Қойылған мақсаттарға жету, Бағдарлама міндеттерін шешу жолдары және тиісті шаралар

Аз қамтылған азаматтарды анықтау үшін тұрақты мониторинг жүргізу.

Халықтың аз қамтылған жігіне берілетін атаулы әлеуметтік көмектің тиімділігін күшейту.

Аз қамтылған отбасыларға тұрғын үй көмегін көрсету.

Барлық мұқтаж адамдарды арнаулыы әлеуметтік қызметтер көрсетумен қамтуды қамтамасыз ету.
4. Мәдениет

Мақсаты: Облыстағы мәдениет, өнер саласының инфрақұрылымын дамыту және одан әрі әйгілеу.

Нысаналы индикаторға қол жеткізу үшін мына шаралар өткізілмек:

Түпқараған, Маңғыстау және Қарақия аудандарындағы тарихи-мәдени ескерткіштерді қайта қалпына келтіру, қайта жаңғырту және бұзылудан сақтау бойынша жұмыстарды орындау;

тарих және мәдениет ескерткіштеріне археологиялық зерттеу жүргізу (2015 жылға қарай – 15 бірлік);

облыстың 2 театрында жаңа туындылар қою;

кәсіби театрлық-концерттік ұжымдардың Қазақстанға және алыс шетелдерге гастрольдерін өткізу;

жас таланттарды анықтап, олардың халықаралық конкурстарға қатысуын қамтамасыз ету («Маңғыстау жұлдыздары» аудандар мен қалалардың халық шығармашылығы облыстық фестивалі);

халықаралық, республикалық, өңірлік және облыстық байқауларды, конкурстарды және фестивальдерді өткізу («Каспий – достық теңізі» халықаралық фестивалі, «Біз – Күннің балаларымыз» халықаралық фестивалі, МИ. Өскінбайұлы атындағы республикалық конкурс);

кітапханалардың кітап қорын толықтыру және оны электронды каталогқа енгізу, ақпараттық жүйе құру.
5. Дене шынықтыру және спорт

Мақсаты: Маңғыстау облысында бұқаралық спортты, дене шынықтыру - сауықтыру қозғалысын және туристік секторды дамыту.

Облыс азаматтарын дене шынықтырумен және спортпен жүйелі түрде шұғылдануға тарту міндеттерін шешу үшін келесі шаралар қабылданбақ:

«Президенттік миль» атты 2,4 км болатын тестті тапсыру арқылы облыс халқының дене тәрбиесi даярлығының президенттік тесттерді тапсыру бойынща облыс халқының арасында жыл сайын іс-шаралар өткізу;

спорт түрлері бойынша кешенді спорттық іс-шараларды және бұқаралық спорт түрлері (спорттық ойын түрлері, жеңіл атлетика, қазақша-күрес, тоғыз құмалақ және т.б.) бойынша салалық спартакадиаларды жыл сайын өткізу;

облыстық телеарналарда спорттық бағдарламалар өткізу және БАҚ-да спорт жаңалықтарын жүйелі түрде жариялап тұру;

дене шынықтыру-сауықтыру кешендерін, оның ішінде Мұнайлы ауданының Маңғыстау, Қызылтөбе ауыларында, Түпқараған ауданының Ақшұқыр ауылында, Ақтау қаласында (Спорт қалашығы) салу;

Ақтау қаласының 17 шағын ауданындағы Спорт сарайының құрылысын бастау;

Ақтау қаласындағы теннис орталығының құрылысын аяқтау;

мемлекеттік спорт ұйымдарын жергілікті деңгейде спорттық инвентармен және жабдықпен жарақтандыру.
6. Туризм

Мақсаты: Маңғыстау облысындағы туристік секторды дамыту

Туризм саласындағы дамудың негізгі бағыттары:

халықаралық курорттық және экологиялық туризмнің инфрақұрылымын дамыту;

туристік ресурстарды ұтымды пайдалану және сақтауды қамтамасыз ету, туризм қажеттіліктерін қамтамасыз ету үшін туристік қызметтің тиімді жүйесін құру;

көлікпен қамтамасыз етуді, жайлы қонақүйлер, ойын-сауық индустриясын қоса алғанда, қазіргі замандағы туристік инфрақұрылымды құру;

теңгерімді экология үнемдеу технологияларының, табиғи аумақта туризм мен демалысты ұйымдастыру қағидаларының негізінде табиғи және мәдени игілікті сақтау және дамыту;

республикалық және халықаралық көрмелерге қатысу, туризмді дамыту жөніндегі іс-шараларды өткізу, жарнамалық-ақпараттық өнім дайындау жолымен туристік имиджді дамыту;

«Кендірлі» халықаралық курортының құрылысын салу үшін әлеуетті инвесторларды тарту бойынша жұмысты жандандыру;

«Кендірлі» курортты аймағының сыртқы инфрақұрылымының объектілерін салу;

ЖСҚ әзірлеп, «Кендірлі» курортты аймағының жаңа әуежайын салу;

табиғи ескерткіштердің аумақтарын абаттандыру.
7. Мемлекеттік тілді дамыту, ішкі саясат

Мақсаты: Мемлекеттік және жастар саясатының тиімділігін арттыру, мемлекеттік тіл саясатын тиімді іске асыру.

Азаматтық қоғам институттарының дамуына жәрдемдесу мақсатымен мемлекеттің азаматтық қоғам институттарымен қарым-қатынасын:

«Қазақстан-2050» Стратегиясы мен Қазақстан дамуының басымдықтарын, Президенттің жыл сайынғы Қазақстан халқына Жолдауларын түсіндіру және насихаттау (семинар-тренингтер, дөңгелек үстелдер өткізу, ақпараттық материалдар шығару);

облыс өңірлеріндегі қоғамдық-саяси ахуалға, халықтың патриоттық санасына ықпал ететін факторлардың социологиялық мониторингі;

әлеуметтік маңызды жобаларды іске асыру аясында ҮЕҰ қызметін жандандыру бойынша іс-шаралар жүйесін әзірлеу;

ҮЕҰ қызметтеріне халықтың қанағаттануының, БАҚ-да ҮЕҰ қызметін жария етудің мониторингі арқылы жетілдіру жоспарлануда.

Маңғыстау облысының 2015 жылға дейін әлеуметтік-экономикалық дамуының кешенді міндеттерін шешу барысында, жастар ортасында салауатты өмір салтының үлгісін қалыптастыруға, мәдени құндылықтарға қатыстыру, білім беру деңгейін көтеруге бағытталған жүйелі шаралар кешені іске асырылмақ.

Жастар арасындағы патриотизм деңгейінің өсуі, әлеуметтік маңызды жобаларды іске асыруға тартылған үкіметтік емес жастар ұйымдары санының артуы болжануда.

Діни сенім бостандығына арналған құқықты одан әрі іске асыру, сондай-ақ Маңғыстау облысындағы барлық этностардың мәдениеті мен дәстүрлерінің еркін дамуы үшін қолайлы жағдайлар құру мақсатында 2015 жылға дейін:

мемлекеттік ақпараттық саясатты жүргізуге арналған мемлекеттік тапсырысты орындауға бұқаралық ақпарат құралдарын тарту;

құқық қорғау органдарының, діни бірлестіктердің және мемлекеттік емес ұйымдардың өкілдерін қатыстырумен, діни сенім бостандығын қамтамасыз ету, мемлекеттік-конфессиялық қатынастарды жетілдіру және діни экстремизмнің алдын алу мәселелері жөніндегі конференциялар, семинарлар және дөңгелек үстелдер өткізу жоспарлануда.

Өткізілген іс-шаралар нәтжесінде этносаралық және конфессияаралық қатынастар саласындағы мемлекеттік саясатты оң бағалайтын халықтың үлесі артады.