Педагог мамандардың квалификациялық категориялары бойынша

1.Гимназия дамуының стратегиясы мен тактикасы

Қойылған мақсат пен міндеттерге сәйкес гимназияның дамуымен байланысты келесі бағыттар ұсынылады:

І .Бастауыш білім берудің (1-4 кластар) теориялық ойлау элементтерімен, өзін- өзі бақылау мен өзін- өзі түзету арқылы тәртібі мен мәдениетін қалыптастыратын, баланың жеке қабілеттерінің деңгейін анықтауға бағытталған оқу іс- әрекетінің негізгі білік- дағдысын меңгеруін жүзеге асырады. Баланың денсаулығын сақтап, нығайтуды басты назарда ұстай отырып, инновациялық негізде оқу бағдарламаларын жаңарту:қосымша білім беру құрылымдарын, информатиканы енгізу.

ІІ. Негізгі орта білім берудің ( 5-9 кластар) ; (5-8 кластар)- бағдарлау - негізгі және қосымша пәндерін меңгере отырып, өзін – өзі дамыту және түзету дағдысын қалыптастыру, өз бетінше бағдарлау және шығармашылық іс – әрекетін қалыптастыру арқылы білім алушы тұлғасын қалыптастыруға бағытталған.Өзінің қабілеттілігі мен бейімділігін сезіну. Білім негіздерін тұрақты, терең меңгеру. Салауатты өмір сүрудің негіздерін қалау.

9- кластар –бейін алды даярлық. Әрі қарай бейін бойынша оқу үшін өзінің қабілеттіліктері мен бейімділігін анықтайды; бейін алды даярлықты жүргізеді; ата- аналар қауымдастығымен жұмыс жүргізеді;үйірмелер мен секциялар арқылы қосымша білім алады. 9- кластарды кәсіби бейімдеу мақсатында элективті курстар жүргізу.

ІІІ. Жалпы орта білім берудің( 10-11 кластар) - тұлғаның негізгі сапасы ғылыми ойлау ретінде қалыптасқан,бейін бойынша негізгі және қосымша білім беру бағдарламаларын меңгеру негізінде , саралап оқыту, мамандыққа баулу, зерттеушілік іс – әрекетке бейімдеу, өз бетінше білім алуға баулу, білім алушының өз ісін өзі шығармашылықпен жұмсауы арқылы жалпы білім алуын аяқтауға арналған; жоғары класс оқушыларын кәсіби бағдарлау, қалыптасқан білімдері мен түсініктерін әлемнің біртұтас жүйесінде интеграциялау мақсатында қолданбалы курстардың сәйкес бағдарламаларын құру сапасын нығайту.

2009-2010 оқу жылының ІІ жартыжылдығында жаңадан ашылған №6 Хромтау гимназиясында 18 класс және 2 мектепалды даярлық тобы жинақталды. Бастауыш саты бойынша мектеп компонентінен аптасына 19 сағат жоспарланды. Арнайы курстар «Қызықты математика», «Математика әлемінде», «Занимательная грамматика», « Сөз өнері».

Бiлiм берудiң негiзгi деңгейінде (5-9 сыныптар) мектеп компонентінен аптасына 39 сағат арнайы курстар жоспарланды:

Орыс тілінен «Лексика фразеология»; ағылшын тілінен «English and American writers»; тарихтан.«Ұлы дала тұлғалары» бағдарламалары жазылып; физикадан «Қызықты физика», «Электр құпиялары»; географиядан «Жалпы жертану» бағдарламалары дайындалды. Гимназиялық компонент аптасына 32 сағат:Қазақ тілінен «Әдебиет теориясы» , «Салт- дәстүр», « Қазақ тілі грамматикасы», «Сауаттылық үлгісі»; ағылшын тілінен «Sing and learn English», «Lets sing songs» , «Happy English-2», «Holidays in Britain», «English morphology» ;тарихтан «Қазақтың шежірелік дәстүрлері», «Тарихи шежіре» енгізілді.Информатикадан «Ақпараттық бейнелеу», «Ақпарат әлемі», «Ақпараттық мәдениет», «Программалауға кіріспе», «Программалау тіліне кіріспе; Физикадан «Астрономия негіздері», «Қозғалыстар әлемі» , химиядан «Химия кереметі»; географиядан «Экология және экономика» курстары бағдарламалары құрылып, бейін алды даярлықты жүзеге асыру үшін ықпал етеді. Музыкадан «Қазақтың әншілік өнері», «Күмбірлеген күміс күй». Оқушы компонентінен пәндік үйірмелер аптасына 7 сағат: ағылшын тілінен «English topics», физикадан «Физикаға бастама»,«Физика есептерін шығару жолдары»; математикадан «Математикалық есептерді шешу практикумы» т.б.

10-11 кластарда жаратылыстану-математикалық бағытта (қосымша Д) оқытылады.Жалпы білім беретін оқу орындарының базистік оқу жоспарының 10.4 тармағына сәйкес жалпы білім берудің жоғары сатысындағы бағдарлы пәндерді оқытуда топтарға бөлу жоспарланды. Мектеп компонентінен аптасына 8 сағат, 10 – класта «Есептеу техникасы»,11-класта «Оптика» пәндері қолданбалы курстары жүргізіледі.

Оқу- тәрбие үрдісі әдістемелік жұмыстың төмендегі формалары бойынша жүзеге асырылады:

• 
  тақырыптық педагогикалық кеңестер;
  
• 
  мұғалімдердің әдістемелік кафедрасы;
  
• 
  педагогтардың өздігінен білім көтеруі;
  
• 
  АКТ негізінде ашық сабақтар өткізуі;
  
• 
  өзара сабаққа қатысуы;
  
• 
  жеке кеңестер алу; т.с.с.
  

№6 Хромтау гимназиясының Мемлекеттік Аралық Бақылау қорытындысы (2009-2011 о.ж)