Кез келген сәйкестендіру жүйесінде адамның жеке басын анықтау және осы ақпаратты кейіннен пайдалану процесі «сәйкестендірудің өмірлік циклі» деп аталатын бірнеше кезеңдерді қамтиды.
Өмірлік цикл мына кезеңдерді қамтиды:
Тіркеу (жеке басын растау);
Есептік деректерді басқару;
Аутентификаттау;
Сәйкестендіруді басқару.
Тіркеу кезеңі «Азаматтарға арналған үкімет» мемлекеттік корпорациясы» КЕАҚ бөлімдеріне немесе бөлімшелеріне ҚР ІІМ Көші-қон қызметі комитетінің өтініш жасаған кезде пайдаланушыдан ұсынылған ақпаратты (жеке ақпаратты жинауға келісім, жеке басын куәландыратын құжаттар, саусақ іздері, фото) жинаудан және жазудан басталады. Осыдан кейін ҚР ІІМ ақпараттық жүйелеріндегі бар деректер негізінде пайдаланушыны валидациялау және верификаттау процесі жүргізіледі.
ҚР ІІМ жүйесі сәтті тіркелгеннен кейін деректерді ҚР Әділетмині ЖТ МДҚ-ға жібереді. Пайдаланушыға дайындалған жеке басты куәландыратын құжат беріледі.
Адам тіркелгеннен кейін ол тиісті қызметтерге қол жеткізу үшін қажет болған кезде аутентификаттаудан өтіп немесе жеке басын «растай» алады. Аутентификаттау процесі бір немесе бірнеше факторларды, яғни сәйкестендіру және/немесе аутентификаттау құралына арналған есептік деректерді қамтуы мүмкін. Мысалы, адамдар электрондық үкімет порталына кіру үшін пайдаланушныңы аты мен PIN-кодты қолдана алады немесе жеке басын растау үшін өздерінің фотобейнелерін қолдана алады. Осылайша, қазіргі уақытта мемлекеттік көрсетілетін қызметтерге өтініш жасаған кезде – Digital ID жүйесі, қаржылық қызметтерге өтініш жасаған кезде – СДАО ҚР Әділетмині ЖТ МДҚ-мен фотобейнені салыстыру арқылы пайдаланушыны валидациялайды.
Деректерді басқару шеңберінде бүкіл жұмыс циклі кезінде тұтынушылар тиісті көрсетілетін мемлекеттік қызметтер шеңберінде жазбаларды толтыру, жаңарту үшін уәкілетті органға өтініш жасай алады.
Достарыңызбен бөлісу: |
