Оқушылардың танымдық құзыреттілігін жетілдіруде критериалды бағалаудың маңызы

Қазіргі мектептің міндеті – оқушының бүкіл оқу-тәрбие жұмысының ортасы болуына қол жеткізу. Ол үшін іс-әрекет амалы, тұлғаға бағытталған амалды ізгілендіру, ынтымақтастық идеяларына сәйкес педагогикалық үдерістің қайта құрылуына негізделген әрбір оқушының әлеуетін барынша дамытуды қамтамасыз ету қажет. Оқушылардың табыстылығының деңгейі жаңа білімдерді дербес алуға дайындығы мен қабілеттілігімен өлшенуі және бағалануы керек. Ал бұл мектептегі бүкіл оқу-танымдық үдеріс дербес іс-әрекетке дайындық пен қабілеттіліктікті қалыптастыруға бағыттау қажет. Критериалды бағалау технологиясы оқушылардың негізгі құзыреттіліктерін қалыптастыруға ғана емес, сондай-ақ шығармашылық, сыни ойлауды, көңіл бөлуді, оқуды ынталандыруды, дүниетанымын қалыптастыру деңгейіне де ықпал етеді. Критерийлерді бағалау сұрағын қарастырғанда оқушылардың жоғарыда сипатталған ерекшеліктерін «әлеуметтік келісімшарт» деп аталатын жағдаймен байланыстыруға болады, ол білім беру үдерісіне қатысушылардың барлығын бағалау үдерісі жүзеге асырылатын критерийлермен таныстырудан және жиі бірлесіп жасаудан тұрады. Мұндай жағдайда, оқушылар өзі мен ересектер арасындағы белгілі бір теңдікті сезінеді, ақпараттарды да меңгереді, одан ештеңені жасырмайды, оған қандай сыйақы төленетінін және қай уақытта мақұлдау алатындығын біледі.