Бақылау сұрақтары: Брендтің пайда болу тарихын сипаттаңыз Брендтің негізгі функцияларын атаңыз

1.Брендтің таңба немесе мөр сияқты ізін тарихқа дейінгі заман мен қола дәуіріне жататын жәдігерлерден көруге болады (Wengrow, 2008). Ертеде брендтің осы түрін әкімшілік мақсатта пай-даланған. Бастапқыда қол қою мен таңбаны меншік құқығын, шыққан жерін немесе юрисдикциясын көрсету үшін пайдаланған. Уақыт өте келе қоғам мен сауда күрделеніп, маманданғандықтан, брендті ыдыстың ішіндегі затты, өнімнің сапасын белгілеу үшін пайдаланды; мысалы, металл мен қағаздың сапасын осы күнге дейін таңба мен сутаңбалар арқылы көрсетеді. Брендингті қолданудағы бізге белгілі ең үлкен өзгеріс ол өндірістен тұтынуды бөлу кезінде болуы мүмкін. Тауар тек тұтыну үшін ғана емес, уақыт пен кеңістікте билік, меншік және мәртебенің белгісі ретінде де қолданылды (Moor, 2007). Мысалы, жаңа жерді жаулап алған ұлт (және адамдар) бодан ел жаңа билеушісінің кім екенін біліп жүруі үшін өз таңбасын қалдыруға тиіс болған. Бренд – бұл мәдени артефакт, оның өзіндік мән-мазмұны болады. Оны сіз бен біз бизнес стратегиясында пайдаланамыз. Ол біздің ой-сезімімізге, адамдармен қарым-қатынасымызға әсер етеді. Осылайша олар қоғам тұрақтылығының ажырамас бөлігі болады. Бренд нарықтың санасында болады, сондықтан брендті басқару – қабылдауды басқару.