Жемістер мен көкөністерден шырындар мен
пюре дайындау.
Апельсин,
мандарин, лимон шырыны: апельсин, мандарин, лимонды тазалап жуыу, ыссы сумен
шаяды. Содан кейін ұсақтап кесіп, шырын сығатын құралдың көмегімен шырынын алады.
Егер ондай құрал жоқ болса, жемісті ұсақтап кесіп, дәндерін алып тастап, дәкіге орап,
қасықпен шырынын шыны ыдысқа жинайды. Дәміне сәйкес шырынға қант қосады.
Қара қарақат және малина шырыны.
Аралап алып, астынан су ағып тұратын
ыдыста, ағысты суда жуады. Үстіне қайнаған су шашады. Содан кейін дәкіге орап, сығып
шырынын шығарады.
Алма шырыны.
Жаңа, таза алманы жуып, ыссы су шашып, үгетін құралға үйкеп,
үгіндісін алады. Алынған үгіндіні дәкіге орап, шырынын шыны ыдысқа сығады. Дайын
шырынға дәміне қарай қант сиропын қосады.
Жүзім шырыны.
Жүзімді аралап алып, жуып, дәндерін алып тастайды. Жидегін
дәкіге орап, сығып, шырынын алады.
Сәбіз шырыны.
Сәбізді жуғышпен (щеткамен) жуып, ыссы сумен шаяды, үгететін
құралға үйкеп алынған үгіндісін дәкіге орап сығып, шырын алады. Қант сиропы дәміне
байланысты қосылады.
Достарыңызбен бөлісу: |
