Синдикатталған несие - консорциялық несие - оларды несиелеуші екі немесе одан да көп банк синдикаттары (консорциумдар) бір қарыз алушыға береді. Несиелеуші банктер тобы белгілі нысанға немесе қарыз алушыға несие беру мақсатында өздерінің уақытша бос қаражатын біріктіреді. Ұйымдастырушы жетекші банктердің біреуі немесе шағын тобы өз синдикатының атынан несие берудің шарты жөнінде қарыз алушымен келіссөз жүргізеді, нарықта оған қажет ақша сомасының жұмылдырылуын қамтамасыз етеді.
Көрнекілік материалдары: 1. Репо мәмілелері
Бақылау сұрақтары. 1) Депозиттік емес ресурстарға не жатады?
2) Банк аралық несиелерге не жатады?
3) Банктік акцепт деген нені білдіреді?
4) Овернайт несиесін қай банк бере алады?
5) Қандай вексельдерді Ұлттық банкте қайта есепке алу жүзеге асады?
ДӘРІС 5.БАНК АКТИВТЕРІН БАСҚАРУ
Дәрістің мақсаты: білім алушыларға банк активтерінің құрамы мен құрылымы және банк активтерінің сапалық көрсеткіштері туралы мағлұмат беру.
Негізгі терминдер: активтер, Ұлттық (орталық) банктердегі ақша қаражаты мен шоттар, ақша қаражаты мен олардың баламалары, қымбат металдар, салық, пайда және залал, туынды қаржы құралдары, РЕПО, кері РЕПО, активтердің сапасы
5.1 Банк активтерінің мәні мен құрамы.
5.2 Активтердің сапасы. Активтерді басқару әдістері мен тәсілдері.
5.1 Банк активтерінің мәні мен құрамы.
Банк активтері – пайда табу мақсатында банктік ресурстарды, əр түрлі активтер бойынша орналастырылған қаражаттары. Баланс активінің құрамы төмендегі көрсеткіштерден тұрады:
1. Ұлттық (орталық) банктердегі ақша қаражаты мен шоттар.Ұлттық (орталық) банктердегі ақша қаражаты мен шоттар кассадағы ақша қаражатынан және Қазақстан Республикасы Ұлттық Банкі, Ресей Федерациясы Орталық банкі, Қырғыз Республикасы Ұлттық Банкінің және Тәжікстанның Ұлттық Банкінің корреспонденттік және депозиттік шоттарындағы үш айға дейінгі бастапқы өтеу мерзімімен бос ақша қалдықтарынан тұрады.
