Сөздің фонетикалық және орфоэпиялық нормалары

«Қоғам мұратына сай жан-жақты жарасымды дамыған тұлға тәрбиелеуде барлық өнер түрлері үлкен маңызға ие екендігі белгілі. Әсіресе, өнер түрлерінің ішінде өскелең жастардың эстетикалық дүниетанымын, соның негізінде мәдениетін қалыптастыруда және дамытуда музыка (саз) өнерінің алатын орны ерекше. Оның мәні мынада: музыка өнері әрбір адамның адамгершілік тұрғыда тәрбиеленуіне, әсемдік әлеміне үйірсек болып қана қоймай, оны қорғауға және рухани мәдени деңгейін көтеруге табиғи жағдай жасайды. Сол себепті әрбір қоғам мүшесін өнерпаздыққа тарту қоғаның объективті қажеттілігі және заңдылығы болуы керек. Бұл ойымызға дәлел бар. Айталық, бұл жағдай әсіресе кеңестер үкіметі дәуірінде үлкен қоғамдық мәнге ие еді. Өйткені, тәрбиедегі басты мақсат: қоғам 2мүшелерін әлеуметтендіру болатын, яғни өнер адамның тек қана рухани өмірінің құрамдас бөлігі болып қана қоймай, әлеуметтендірудің аса пәрменді құралы болды. Музыка өнерінің мақсаты – жастарды өнер құныдылықтарын жасауға қатыстыру, олардың бойында белгілі бір адамгершілік-эстетикалық мәдениетті, көркемдік талғамды, шығармашылық әдетті тәрбиелеу... Неге ендеше қазіргі кезде оқушылардың көркемөнерпаздық жұмысы өз деңгейінде ұйымда2стырылмай жүр? Неге саз өнерінің «хор, жеке ән айту, дуэт, трио, квартет, ән ансамблі» сияқты түрлерімен айналысуына деген қызығу төмен?» (Омар Е. «Эстетикалық тәрбиеге – айрықша назар»//Қазақстан мектебі.- 2004ж.- №9.- 68-70 б.)