Білім беру бағдарламасы МҰҒалімге арналған нұСҚаулық Баспаға «Назарбаев Зияткерлік мектептері» дббұ Педагогикалық шеберлік орталығының

Пән бойынша тест сипаттамалары белгіленген құрылым бойынша тест сұрақтарын әзірлеуден бастап, ұсынылатын жауаптарды (кілт және дистракторлар) құрастыруға дейін барлық талаптарға сәйкес жасалады. Тест сипаттамалары зерделенген тақырып немесе бөлім бойынша нақты деректерді көрсетеді және оқу мақсатын немесе дағдыларды бағалауға бағытталады.

Бағалауға арналған тапсырманы әзірлеу барысында құрылым мен өлшеуге арналған компоненттерді сақтау маңызды. Бағалауға арналған тапсырманың сәйкес болмау себептерінің бірі оның толық анықталмауы/құрастырылмауы болып табылады. Тапсырма құрылымының жеткіліксіз берілуінің мысалы ретінде әрқайсысы жеке немесе барлығы бірге қарастырылып бағалануы тиіс ортақ тақырыптардың болмауын айтуға болады.

Поллит, Ахмед және Крисп (Pollitt, Ahmed and Crisp, 2007) бағалауға арналған тапсырманың мазмұнына төмендегідей талаптар қояды:

• 
  тапсырманы орындауға берілетін уақытты дұрыс белгілеу;
  
• 
  тапсырмалардың көлемін ұтымды анықтау;
  
• 
  тапсырманың шартын оқуға берілетін уақытты есептеу;
  
• 
  ұзақ мерзімді және қысқа мерзімді жадыға түсетін танымдық жүктемені ескеру, т.б..
  

Бағалауға арналған тапсырманың күрделілік деңгейі тапсырманы әзірлеушінің өзіндік тәжірибесіне байланысты. Санаттарға жіктеу дәлдігін үлгілік тапсырмаларды пайдалану арқылы арттыруға болады. Әрбір деңгейдегі тапсырма үлгісі әзірленген бағалау тапсырмасының деңгейін анықтауға негіз болады.

Екінші кезеңде тапсырманың сипаттамалары анықталады, яғни әзірленген бағалау тапсырмаларының компоненттері (мазмұны, кодтау, нұсқау, жауабы пен дистракторлар) мен тапсырманың белгіленген деңгейге сәйкестігі талданады. Бұл кезең мақсатты түрде, байыппен күш жұмылдыруды талап етеді.

1-кесте. Сипаттамалардың құрылымы