I. Сомалық мүшелер жүйелері – (soma - дене) организмнің дене қабырғасын құрайтын: 1. тері жабыны мен оның туындыларынан және 2. тірек-қимыл аппаратынан құралған. Тірек-қымыл аппараты – бір-бірімен тығыз байланыста қызмет атқаратын екі жүйе: сүйектер жүйесі (қаңқа) мен бұлшықет жүйесі құрайды.
ІІ. Ішкі мүшелер жүйелері (гр.splanchna, лат. viscera – ішкі мүше) - организмдегі метаболизм (қоректену, тыныс алу, зәр бөлу) мен көбеюді қамтамасыз ететін мүшелер жүйелерінен құралады. Оларға: 1) азық қорыту, 2) тыныс алу, 3) зәр бөлу, 4) көбею мүшелер жүйелері жатады.
