Білім беру саласы: «Денсаулық» Тақырыбы: «Көңілді қыс»

Тақырыбы: «Көңілді қыс»

Мақсаты: балалардың қыс туралы түсініктерін кеңейтіп, қысқы ойындар мазмұнын меңгерту. Бала денесін ойын арқылы қозғалысқа келтіріп, таза ауада шынықтыру. Іс-әрекетке деген қызығушылығын ойын арқылы қалыптастыру.

Методикалық әдіс: Ойын әдісі, ойын мазмұны, түсіндіру, үйрету.

Көрнекіліктер: Аңдар кейіпкерлері, аққала, қар, күрек, қар үйінділері.

Ойынның жүру барысы:

Тілек шеңбері: Балалар алаңда дөңгеленіп шеңбер жасап тұрып, бір-бірінің алақандарын беттестіріп тілектер айтады.

1. Ауамыз таза болсын

2. Денсаулығымыз мықты болсын

3. Ойын қызықты болсын

4. Жарыс көңілді болсын

5. Жеңімпаздар көп болсын

Балалар музыка ырғағымен айналып жай жүріп, сонан соң жүгіріп келіп, аяқ-қол бұлшықеттеріне арналған сергіту жаттығуларын жасайды.

Қозғап барлық денеңді

Қолды қатты соқ енді.

Тақылдатпай таяқты

Ақырын бас аяқты.

Иықты артқа ысырып,

Басты төмен саламыз.

Жаттығу жасап осылай,

Біз шынығып аламыз.

Ойын жарыс түрінде өтетін болған соң, балаларды екі топқа бөлеміз.

Мазмұны: Балалар допты домалатып барып тақтаға аққаланың суретін кезек-кезек салады.

Мазмұны:жерде жатқан сәбіздерді Қоянның себетіне жинауға көмек беру. (Құлыншақ)

Мазмұны: Екі топтың үлкен балалары күрекпен шелекке қарды толтыру керек.

Балалар, біз келесі ойынды ойнамас бұрын жұмбақ шешейік.

Сол жұмбақтың шешуі арқылы келесі ойынымыздың атауын анықтаймыз.

Шелек қалпақ басында,

Сәбіз екен танауы.

Қыста қардан жасалар,

Тауып көрші сен оны. (аққала)

Мазмұны: Екі ойыншы лентаны кере ұстап тұрады,әр топтан бір-бірден ойыншы шығып,лентаның астымен және тунельден өтіп саңырауқұлақтарды жинау керек. Егер сал дыбысқа Аю оянып кетсе, ойыншы қашып үлгеру керек.

Мазмұны:Жалмауыз кемпірмен бірге билеп,әуен тоқтағанда мұздай қатып қалу керек.