Саясаттың негізгі субъектісі. Саясат мемлекеттік билік үшін бәсекелік күрес саласында әр түрлі субъектілердің әрекеттері мен өзара әрекеттері жиынтығын бейнелейді. Көбінесе, саясат субъектісін бөліп алу өлшемі, оның осы саладағы нақты әрекеті, немесе саяси шешім қабылдауға ықпалының деңгейі, мемлекттік саясатты іске асыруы, немесе оны ұйымдастыруы алынады. Нақты айтсақ, саясат субъектісі деп шешім қабылауға ықпал ету деңгейіне және мемлекеттік саясатты тарату сипатына тәуелсіз, мемлекет пен биліктік өзара қарым-қатынасқа түсушіні түсінеміз.
Саясат субъектілері үш түрге: жеке (микроактор), топтық (макроактор) және институттық (ұйымдасқан актор) болып бөлінеді. Бұл үш түрдегі субъектілердің іштей құрылымдары мен мазмұндары өзіндік ерекшеліктерге ие. Мәселен, топтарға әр түрлі қауымдастықтар мен ұжымдар (бейресмиден ресмиге дейін, уақытшадан тұрақтыға дейін, оқшаудан трансұлттық бірлестікке дейін) жатады. Институттарға саяси жүйеде өкілділік пен атқарушылық қызметтерді атқарушы (партиялар, қозғалыстар, лобби, халықаралық ұйымдар) ұйымдар жатады. Жеке субъектілер (Д. Розенау) үш түрге бөлінеді: қатардағы азаматтар, саясатқа қатысуы топтық мүддемен сипатталынатын; кәсіби қызметкер, мемлекетте басқару мен бақылау қызметін атқарушы; жеке индивид, топтық мақсатқа тәуелсіз әрекет етуші және ешбір кәсіби міндеттерді орындамаушы. Саясаттың барлық субъектілері бір-бірімен иерархиялық қатынаста болады.
