«Биология» мамандығы үшін Құрастырғандар
жүктеу/скачать 181,53 Kb.
|
7fdfac23-3305-11e3-9d7d-f6d299da70eeБОЛМЕ ОСИМДИКТЕРИ УМКД
- Бұл бет үшін навигация:
- Лавр ( Laurus ).
- Фикус (Ficus elastica Roxb)
| Глоксиния.(Cloxinia)Геснер тұқымдасына жататын көп жылдық түйнек тамырлы өсімдік. Отаны – Бразилия. Жапырағы ұсақ, жұмсақ, қоңыржасыл болады. Әр алуан реңді, қоңырау пішіндес, ірі, әдемі гүл жарады. Глоксинияның күтімі қиын емес. Көктемнен күзге дейін гүлдейді. Қыркүйек айының аяғында (жапырағы солған кезде) түйнегі бар құмыраны қараңғы қоңырсалқын жерге қойып, кеуіп қалмас үшін мезгіл – мезгіл суарып отырады.
Лавр ( Laurus ). Хош иісті жапырақтары үнемі көгеріп тұратын лавр ағашы немесе бұтасы табиғи жағдайда Европаның Оңтүстігінде өседі. Бұл өзі қыста бірнеше градус аязға төзеді. Кавказда, Сухуми мен Батуми төңірегінде мәдени түрде өсіріледі. Мәдени түрде қолдан өсірілетін лаврды асыл лавр деп атайды. Оның камфара лавры (камфара ағашы) деп аталатын түрі де бар. Оның бұлай аталуының себебі оның жапырақтарын уқалаған кезде камфара иісі аңқып мұрынды жарады. Қыс айларында лаврды салқын жерге орналастырып, сирек суарады. Көктемнің аяқ шегінде оны сыртқа шығарады да ауа райына қарай күніне бір рет, не екі рет суарады. Кешке қарай салқын сумен өсімдікті жуады. Бұл әрекет өсімдік зиянкестеріне қарсы шара болып табылады. Ыдыста өсірілген лаврды біраз уақыт өткеннен кейін ғана басқа орынға көшіреді. Лавр отырғызылатын ыдыстың түбіне дренаж жасайды да, оған құм араласқан шым топырақ толтырады. Лавр пирамида сияқты немесе шар тәрізденіп бұтақтанады. Оның пішінін қалауымызша өзгерту үшін жаздың аяқ шенінде (лаврдың өсуі баяулай бастаған кезде) оны күзеп, тиісті пішін береді. пішіні түзелген өсімдік балконды, баспалдақты безендіріп, көркейту үшін онан әрі өсіріледі. Фикус (Ficus elastica Roxb),тутовалар тұқымдасына жатады. Отаны- Солтүстік- шығыс Индия, Непала және Бирма территориялары. Үйде және көпшілік орындарда өте көп тараған өсімдік. Мұны каучук ағашы деп те атайды. Шығыс Азияның тропик ормандарында биіктігі 30 м шамасына жететін мәңгі жасыл ағаш. Жарақаттанған жерінен ақ шырын шығады. Оның 15 проценті каучук болады. Сондықтан жылы жақта фикус өсімдігін өндіріс қажеті үшін өсіреді. Фикус өсімдігін қалемше арқылы көбейтеді. Көктемде не жазда ептеп топырақ араласқан құмға екі жапырағы бар қалемше отырғызып, оны жылы жерге қояды да, үнемі ылғалды болуын қамтамасыз етеді. Немесе қалемшені шөлмектегі, не жарты литрлік шыны құмырадағы суға батырып қояды. Бір айдай уақыт өткен соң қалемшеден тамыр пайда болады. Осыдан кейін өнген қалемшені құммен топырақ аралас салынған ыдысқа отырғызады. Сәні кеткен кәрі өсімдіктердің жас бұтақтарын, сабаққа өсіп шыққан көк бұтақтарды қалемше үшін пайдаланады. Жарық үнемі бір жағынан ғана түсетін өсімдік қисайып өседі. Сондықтан оның жан- жағын жарыққа кезек қаратып отыру керек. Үйде көбірек өсірілетін фикустың тағы бір түрі австралиялық фикус деп аталады. жүктеу/скачать 181,53 Kb. Достарыңызбен бөлісу:
|