Жауабы: 0,11%; 1л ауаға 1,1мл H2S –ден келеді, яғни, оның концентрациясы шамадан 100 есе артық.
Есеп №4. Орталық Қазақстанның кен бассейнінде кездесетін, құрамында 46,7% темір, 53,3% күкірт бар пирит минералының қарапайым формуласын табыңдар.
Жауабы: пириттің формуласы: FeS2
Есеп №5. 112 л ауаны кальций гидроксиді ерітіндісі арқылы өткізгенде, 0,4 г тұз тұнбаға түсті. Алынған ауа үлгісіндегі көмірқышқыл газының мөлшері қандай? Шектеулі мөлшерге сәйкес келе ме?
Жауабы: φ (CO2) = 0,08% , шектеулі мөлшерден (0,03%) артық.
Есеп №6. Аммиакты синтездеу үшін ауаны төменгі температурада сұйылту арқылы алынған азотты және суды электролиздеу арқылы алынған сутекті пайдаланады. Синтез колоннасында тәулігіне 60 т аммиак өндіріледі. 1м3 сутек пен 0,5м3 оттек алу үшін 6 кВт/сағ электр энергиясы шығындалады. Осыларды пайдалана отырып: а) 1 тәулікте жұмсалатын судың массасын; ә) 1 тәулікте жұмсалған электр энергиясын; б) электр энергиясының шығынына сүйеніп, 1 т аммиактың бағасын (1 кВт/сағ= 4 теңге болса) есептеп; в) осы өндірістегі су мен ауаның экологиялық теңгерімі бұзыла ма, соны анықтаңдар.
Жауабы: 95,3кг су; 711,51кВт/сағ; 1т NH3-тың бағасы 47433 теңге.
Есеп №7. Қарағанды көмір кенішінен өндірілген 1,5 кг көмірді жағуға 10,67 м3 ауа жұмсалды (қ.ж.). Көмірдің құрамындағы жанбайтын қоспалардың массалық үлесін табыңдар.
Жауабы: w(қоспа) = 20%.
Есеп №8.
Судың адам денесіндегі жылу температурасын реттеуші қасиеті бар екендігін қазақтар ерте заманнан-ақ білген. Әсіресе үнемі далада болатын шопандар жаздың күні аузына малта құрт салса, шөлдемейтінін білді. Тұз құрамындағы ас тұзы мен казеин нәруызы ада ағзасына еніп, ішкі ұлпаларда су балансын құрып, тепе теңдікті ұстап тұратындығы қазір дәлелденді.
Сиыр сүтінің құрамы 3,2%-ға дейін майдан, 4,8% көмірсулардан, 0,7 % тұздардан, 3,2% ақуыздан казейн тұрады екен. Ал қой сүтінде 5,6% ақуыз болады.
Егер өнім шығымы 65% болса, құрамында 42% ақуызы бар 500кг қой сүтімен қанша кг құрт (ірімшік) дайындауға болады ?
