Түтікшелердің проксималдық бөлімде міндетті түрде қайта сіңетін заттар:
Глюкоза - Амин қышқылдары - Су
Витаминдер - 4/5 NaCl, тұздар
Табалдырығы бар және табалдырығы жоқ заттарды ажыратады. Табалдырық заттар - толық реабсорбцияға түсе алмайтын заттар. Олардың реабсорбциясы қандағы концентрациясына байланысты.
Глюкоза – табалдырығы бар зат. Егер глюкозаның қандағы мөлшері 10 ммоль/л-ден артық болса ол толық қайта сіңбейді (реабсорбцияланбайды). Сондықтан несептің құрамында болуы мүмкін.
Глюкозаның несепте пайда болуы глюкозурия деп аталады.
Креатинин, инулин – табалдырығы жоқ заттар (қайта сіңбейді).
Бүйрек түтікшелерінде судың 98-99%-ы қайта сіңеді:
Генле ілмегінің төмен түсетін бөлімінде су қайта сіңеді (осмос градиенті бойынша пассивті түрде).
Генле ілмегінің жоғары өрлейтін бөлімінде негізінен натрий иондары қайта сіңеді (активті тасымалдау, сукцинат дегидрогеназа).
Дисталдық иірім түтікшелер мен жинағыш түтіктерде судың факультативті (антидиурездік гормонның (АДГ) әсерімен, ал Na альдостеронның әсерімен) қайта сіңуі жүреді .
Бүйректің айналдыра кері ағызу жүйесі (осмостық қоюланған несептің түзілу механизмі).
Түтікшелік секреция – заттардың қаннан түтікшелер саңылауына өтуі және заттардың түтікшелер эпителиінде синтезделуі.