Сабаққа дайындалуға әдістемелік нұсқаулар

Картоп түйнектерін апта ішінде 4-8^оС температурасында сақтайды, одан кейін қараңғыда 20-22^оС температурасында өсіріледі. Меристемаларды бөлу жұмыстарды ламинар-бокста жүргізеді. Бөліп алуында қолданылатын құралдарды (пинцеттер, скальпельдер, инелер) әрбір бөлінудің алдында спиртке салып, кейін күйдіртіп, стерилдейді. Әбден жуылған түйнектерден өскіншелерді бөліп, диацидтің 0,1% ерітіндісінде 3-5 мин ішінде стерилдейді, кейін стерилденген Н₂О-мен үш рет жуылады. Стерилденген өскіншелерді стерилденген Петри табақшасына салады және құрғатпау үшін автоклавталған судың бірнеше тамшысын қосады. Бөліп алудың алдында өскінше төбешігінен жабынды жапырақшаларын алып тастайды, примордиалды жапырақшалары бар бүйір және төбешілік меристемаларды біртіндеп ашады. Бұл операцияны бинокулярлық лупа астында препараттық инені пайдаланып жүргізеді. Мөлшері 100-250 мкм жапырақ бастамаларынсыз (примордияларсыз) меристеманы ұстатқышта бекіткен кәдімгі жұқа инемен бөледі. Бүйір және төбешілік меристемаларды бөлуге болады. Ине ұшындағы меристеманы пробиркаға қоректік ортаның бетіне ауысады, жанарғы жалынның үстінде тығынмен жауып, штативке салады. Пробиркалармен толғаннан кейін штативті орталар құрғатпас үшін целлофан қалпағымен жауып, жарық камераға қояды. Екі, үш, төрт аптадан кейін меристемадан өркеннің дамуын бақылайды және бұл процесстің кезеңдерін сурет салады.