Санамақтың көмегімен жүргізушіні таңдап алады. Ол қолына доп ұстап, залдың ортасына орналасады. Жүргізуші допты еденге соғып тұрған кезде қояндар секіреді, ойнайды, жүгіреді. Жүргізуші допты жоғары көтерген кезде, «қояндар» шапшаң отыра қалады және ұйықтап жатқан қояндарды салады. Жүргізуші ұйықтап жатқан қояндарды бақылайды. Ұйықтап жатқан қалыпты сақтамаған балалар шеңбердің ортасына тұрады және жүргізуші болады.
«Қояндар»
Бұл ойынға бірнеше бала қатысады. Алаңға бірнеше шеңбер сызыңыз (диаметрі 1 метрге дейін). Бұл – қояндарға арналған тор. Әр шеңберге бірнеше баладан тұрады, содан соң отырады. Сыртта орындық үстінде күзетші отыр. Күзетшінің үйі мен тордың арасында көгал бар. Қояндар сол көгалда ойнайды. Күзетші кезекпен торларға барып, қояндарды ойнау үшін босатып отырады. Балалар шеңберлерден секіріп шығады, бір жерден екінші жерге қос аяқтап секіреді. «Қояндар, торға!» деген кезде – олар өз шеңберлеріне қарай асығады. Балалар бұл ойынды қызығушылықпен ойнауы үшін ойынның алдында қоян туралы әңгімелесіңіз. Олардың немен қоректенетінін, қайда тұратынын, қалай секіретінін түсіндіріңіз.
