Delphi ортасында мәліметтер қорымен жұмыс істеу

Мәліметтер қоры бір каталогта орналасатын бірнеше кестеден тұрады. Каталог жаңа мәліметтер қоры үшін әдеттегі жағдайдағыдай құрылады, мысалы Проводниктің көмегімен құруға болады. Кестені Delphi құрамына кіретін Borland Database Desktop утилитін қолданып немесе мәліметтер қоры серверіне SQL-сұранысты қолдану арқылы құруға болады. BDE кітапханасы мәліметтер қоры файлына кіру үшін, файл орналасқан каталогты емес, оның псевдонимін пайдаланады, онда жаңа мәліметтер қорының кестесін құрудан бұрын, осы мәліметтер қоры үшін псевдоним құру қажет.

• 
  Каталог құру;
  
• 
  Псевдоним құру;
  
• 
  Кесте құру.
  

Databases қосымшасында, терезенің сол жақ бөлігінде компьютерде тіркелген, псевдонимдер көрсетілген. Жаңа псевдоним құру үшін, Object мәзірінен New командасын таңдау керек. Сосын ашылған New Database Alias (мәліметтер қорының жаңа псевдонимі) сұхбат терезеде Database Driver Name тізімінен құрылатын мәліметтер қорының типін таңдау қажет.

Псевдоним құру барысында қалыпты жағдайда, Paradox форматында кестеге кіруге мүмкіндік беретін STANDART драйвері ұсынылады (2.7-сурет).

Драйверді таңдап болған соң, ОК түймесін басу керек, сонда псевдоним тізіміне жаңа элемент қосылады (2.8-сурет).

Бұдан соң администратордың көмегімен автоматты түрде құрылған псевдонимнің атын және псевдоним құрылатын мәліметтер қоры файлының жолын көрсету керек. Псевдоним атын Windows тәсілімен өзгертуге болады: псевдоним атына тышқанның оң түймесін басу, шыққан контекстік мәзірден Rename командасын таңдау және ашылған сұхбат терезеде жаңа атты енгізу.

Мәліметтер қоры файлы жолын Definition қосымшасының Path алаңында пернетақтадан немесе Path алаңының соңында орналасқан үш нүктелі түймеге шерту арқылы ашылатын Select Directory Path (Каталогты таңдау) стандартты сұхбат терезесін пайдаланып көрсетуге болады (2.9-сурет). «Телефон кітапшасы» мәліметтер қорын үшін Telefon псевдонимін құрғаннан кейінгі BDE Administrator терезесінің түрі, мысал ретінде келесі суретте келтірілген (2.9-сурет).

Құрылған псевдоним конфигурация файлында (Idapi.cfg) тіркелген болу үшін, Object мәзірінен Apply командасын таңдау керек. Ашылған Confirm сұхбат терезесінде конфигурация файлындағы өзгерісті сақтау керектігін растау қажет.

Жаңа кесте құру үшін, Tools мәзірінен Database Desktop командасын таңдап, Database Desktop жүктеу. Database Desktop утилитасының шыққан терезесінен File мәзірінен New командасын таңдау керек және шыққан тізімнен Table-құрылатын файлдың типін таңдау (2.10-сурет).

Сосын Create Table ашылған сұхбат терезесінде құратын кестенің типін таңдау (мәні келісім бойынша Paradox 7 типі болып табылады) (2.11-сурет).

Нәтижесінде кестенің жазбаларының құрылымын анықтайтын, Create Paradox 7 Table (2.12-сурет) сұхбат терезесі ашылады.

Кестенің әрбір өрісі үшін, өріс атын, типін және керек жағдайда өріс мөлшерін енгізу қажет. Field Name бағанына енгізілетін, өріс аты ретінде ұзындығы 25 символдан аспайтын латын әріптері мен цифрлар тізбегі пайдаланылады.