КЕСТЕЛЕР АРАСЫНДАҒЫ БАЙЛАНЫСТЫ АНЫҚТАУ

Ф ҚазҰПУ 0703-10-09 Пәннің оқу-әдістемелік кешені. Екінші басылым

ДҚ-да негізгі кестелер құрылғаннан кейін, олар бір-бірімен қалай байланысқанын көрсету керек. Бұл байланыстарды Access сұратуда, пішінді және есепте, бірнеше кестеден ақпаратты жинағанда қолданылады. Кестелер арасында байланыстың болуы ДҚ-да деректің тұтастығын қорғауды қамтамасыз етеді.

Біреуі басты /главная/, ал екіншісі бағынышты /подчиненная/ болатын екі кесте арасында байланыс орнату үшін, бұл кестелердің жазбалары арасында сәйкестік орнатылады.

Байланыс орнату үшін басты кестеде, мәндер жиыны жазбаны анықтайтын /бірегейлі болу/ өріс немесе өрістер жинағы таңдалады, бірақ оның бірегейлі /уникальный/ индексі болса жеткілікті. Оған сәйкес Сыртқы түиін деп аталатын бағынышты кестенің өрісі қойылады. Жазбалар арасындағы байланыс, байланыс өрісінде мәндердің сәйкес келуі бойынша орнатылады. Access басты кестенің кез-келген жазбасының байланыс өріс мәнін тексеріп, сыртқы түйіннің осындай мәні бар бағынышты кестенің барлық жазбаларымен байланыстырады.

Байланыс өрістің әртүрлі аты болу мүмкін, бірақ онда бірдей деректер типі және біртипті құрама болуы керек. Бұл қағидаға жатпайтын: Счетчик түрдегі өрісті Өріс көлемі қасиетінде «Үзын бүтін» /Длинное целое/ мәні бар сандық өріспен байланыстыруға болады.

Мысалы, студенттер және олардың алған бағалары тұралы ақпарат алу үшін Студенттер және Сессия кестелерінде Студент коды өрісі бойынша байланысты анықтау керек. Бұл байланыста басты кесте-Студенттер, ал бағынышты кесте-сессия болады.

Басты кестеде студент тұралы берілген әрбір жазбаға-бағынышты кестеден бірнеше жазбалар-оның бағалары тұралы ақпарат сәйкес келеді. Сессия кестесінде Студент коды өрісі сыртқы түйін болып табылады.