Жарақатты паразиттік. Бұларға тән қасиет – патоген ие- өсімдік ұлпасына механикалық немесе бунақденелілерден және басқа себептерден болған жарақат арқылы ғана ене алады. Көптеген фитопатогендер, бактериялар мен вирустардың ие-өсімдік ұлпа- сына енуі үшін осындай шарт міндетті. Пісіп-сору арқылы қорек- тенетін бунақденелілер көптеген өсімдік вироздары мен бактериоз- дарының таралуында үлкен рөл атқарады. Механикалық жарақат немесе қатты аяздан кейін үсік шалған алма бұталары цитоспороз және қара ісік ауруларына жиі шалдығады. Бұршақ жауғаннан соң қызанақ, картоп, қияр және т.б. дақылдарда саңырауқұлақтар мен бактериялар қоздыратын аурулар күрт артады.
