Сапрофитті қоректену. Төменгі сатыдағы ағзалардың шіріп жатқан өсімдіктер мен жануарлар мүшелерімен немесе әр түрлі органикалық қалдықтармен қоректенуі. Сапрофитті микроағзалар- дың өсімдік қалдықтары мен жануарлар өлекселерін шірітіп, органикалық заттар түзудегі атқаратын рөлі өте зор. Бұл топқа жататын саңырауқұлақтар мен бактериялардың ішінде белгілі бір өсімдік қалдықтарында немесе олардың белгілі бір мүшелерінде ғана тіршілік ететіндері кездеседі. Тіршілік нәтижесінде фитопато- генді саңырауқұлақтар мен бактерияларға қарсы антибиотиктік қасиеті бар зәрлі заттар бөліп шығаратын микроағзалар да кез- деседі. Оларды өсімдік аурулары мен зиянкестерін биологиялық реттеу мақсатында пайдалануға болады.
