Зерттеу жұмысының нысаны ретінде тіл біліміндегі лингвокогнитивтік, психолингвистикалық зерттеудің жаңа бағыттарында анықталған Б.Соқпақбаев шығармаларындағы кейіпкерлердің тілдік тұлғасы алынды.
Зерттеудің мақсаты мен міндеттері. Зерттеудің негізгі мақсаты – қазақ әдебиетіндегі тілдік, тақырыптық ерекшелігімен дараланып тұратын көркем шығармалардың бірі – балалар әдебиеті. Қазіргі антропоцентристік бағыттың ғылыми теориялық қағидаларына сәйкес балалар әдебиетіндегі кейіпкердің дүниетанымы мен болмысын, тілдік қолданысын этностың ұлттық танымымен байланысты концептілік құрылым ретінде тұжырымдау, сондай-ақ, курстық жұмыста балалар тақырыбына жазылған Б.Соқпақбаевтың шығармалардағы кейіпкер қолданысындағы ономастикалық атаулары, тілдік көріктеуіш тәсілдері, бала прихологиясының когнитивтік құрылымы анықталады. Бұл мәселелерді анықтау үшін мынадай міндеттер қойылады:
-Балалар әдебиеті кейіпкерлерінің тілінде көрініс табатын ономастикалық атауларды анықтап, қоршаған ортаның бала санасына әсерін анықтау;
- Балалар әдебиетіндегі кейіпкерлердің лақап есімдерді қолдануы мен жиілігін айқындау;
- Балалар әдебиетіндегі кейіпкерлердің тілдік құралдарды – фразеологизмдер, мақал-мәтелдер, диалект сөздер, өзге де көріктеуіш тәсілдерді қолдану аясында кейіпкердің тілдік тұлғасын анықтау.
Достарыңызбен бөлісу: |
