Университет білім алушыларының үлгеріміне ағымдық бақылау, аралық және қорытынды аттестаттау өткізудің ережесі 72 беттің 12–ші
беті
6.1.37 ТО тест-ЭЕМ түрдегі емтихан нәтижелерін Оқуға қолдау көрсету бөлімінің өкілінен
алып, пән оқытушысына университеттің автоматтандырылған ayu.edu.kz домені бар жүйесіне
қойдыруды қадағалайды, емтихан тізбелерін дайындап шығарады.
6.1.38 Емтиханда кітап, дәптер, шпаргалка, ұялы телефон, басқа да электронды
құрылғыларды пайдалануға, басқалармен сөйлесуге, хат жазысуға, себепсіз емтиханға кешігуге
тиым салынады (
қосымша 17 ).
6.1.39 Емтихан қабылдаушылар мен кезекшілер аталған ережелердің қатаң сақталуына
жауапты болып табылады.
6.1.40 Тест-ЭЕМ және жазбаша емтихандарға білім алушылар теміріздегіш құралдары
арқылы тексеріліп, жеке куәлікпен кіргізіледі.
6.1.41 Емтихан басталуға 30 минут қалған кезде Емтихан қабылдаушылар білім
алушылардың жеке куәлігін тексереді, қатысу парақтарына қол қойдырады және олардың
аудиторияда біркелкі отыруын қамтамасыз етеді (
қосымша 18 ). Емтиханның басталу және
аяқталу мерзімдері тақтаға жазылады.
6.1.42 Емтиханға берілген уақыт (2 сағат) аяқталған соң, емтихан қабылдаушылар емтихан
жұмыстарын жинап алып, шифрлеу жұмыстарын атқару үшін ТО тапсырады.
6.1.43 ТО өкілі дешифрлеу жұмыстары біткеннен соң, емтихан нәтижелерін қатысу
парағына түсіреді.
6.1.44 ТО өкілі жазбаша жұмыстарды шифрлеу барысында әр жұмысқа мұқият қарап,
арнайы шартты белгілердің жоқ екеніне көз жеткізуі керек. Арнайы шартты белгілері бар
жұмыстар бөлек алынып, оларға «Акт» толтырылады (
қосымша 19 ). Акт негізінде білім
алушыға пән бойынша «0» балл, «F» («қанағаттанарлықсыз») баға қойылады.
6.1.45 Білім алушы жауап парағына тек көк түсті қаламмен (ручка) жазуы тиіс, қарындаш
немесе басқа (қара, қызыл, жасыл т.б.) түсті қаламмен (ручка) жазылған жағдайда жұмыстар
бөлек алынып, оларға «Акт» толтырылады. Акт негізінде білім алушыға пән бойынша «0» балл,
«F» («қанағаттанарлықсыз») баға қойылады.
6.1.46 Тәртіп бұзған білім алушыға сол аудиториядағы бекітілген кестеде көрсетілген
емтихан қабылдаушылар Акт толтырып, оның жазбаша жұмысын алып, өзін емтиханнан
шығарады. Акт негізінде білім алушыға пән бойынша 0 балл, F бағасы қойылады.
