2-тапсырма. Мәтіннің мазмұнына қарсы өз ойларыңмен әңгіме құрастырыңдар.
Тапсырманың мақсаты: Оқушылардың монологты және диалогты сөйлеу дағдыларын қалыптастыру.
Тапсырманың тиімділігі: Оқушылар үлгідегі мәтін бойынша пікір алысады, осыған орай олар мәтін құрастыруға дағдыланады.
Тапсырманың маңызы: Мәтіннің мазмұнын талқылауға дағдыланады, өз ойларымен әңгіме құрастыруға үйренеді.
Сабаққа арнайы «Бұлақ» туралы мәтiн алып келiп, оны оқушыларға оқып берілді. Оқушылар мәтiннен түсiнбегендерiн сұрап ала алды. Мұндай тәсiл оқушылардың басқа бiреуден қысылып, сөйлей алмау, қате болып қалады деп қорықпау қасиеттерiн жөндеуге көмектестi. Осы тәсiл арқылы оқушылар өз ойын басқа бiреуге қысылмай айтуға дағдыланды. Мысалы, оқушыларға мынадай мазмұнда мәтін берілді:
«Бұлақ»
Біздің ауылдың маңында бұлақ ағып жатыр. Бұлақтың суы лас, лайқа. Бұлақ бірнеше жылдардан бері қараусыз қалып, тазаланбаған. Жан – жағына шөптер өсіп кеткен.
Оқушыларға мәтін мазмұнына қарама – қарсы мағынада әңгіме құрастыру тапсырылды.
Құдайбергентегі Марал деген оқушы мынадай мазмұнда мәтін құрастырды:
Біздің ауылдың маңында бұлақ бар. Бұлақтың суы мөлдір, таза. Ауыл адамдары бұлақтың басындағы шөптерді жұлып, таза ұстайды.
Мейірбек Самат деген оқушы: Бұлақтың суы таза болуы керек. Себебі, бұлақтың суымен адамдар шөлін қандырады.Сондықтан бұлақты үнемі тазалау қажет.
Ал, Оспантегі Сәкен деген оқушы: Бұлақ көрсең – көзің аш деген сөз бар. Сондықтан балалар мен үлкендер үнемі бұлақты тазалап ұстауы керек.
Оқушылар осындай тапсырманы орындау барысында мәтіннің мазмұнына қарама – қарсы мәтін құрастыруға дағдыланды. Бұл тапсырма оқушылардың өз сөздерін дәлелді айтуға жәрдемдеседi.
Достарыңызбен бөлісу: | 
