Жүсіп Баласағұнның “Құтты білік” дастанын мектеп оқушыларына оқу-тәрбие беру үрдісінде пайдалану жолдары
«Президент Қазақстанның «Мәңгілік ел» ретіндегі болашағы туралы сөз қозғағанда, ол ұлттың тарихи санасына қатысты мәселелерді күн тәртібіндегі бірінші мәселе ретінде қарастырады. Әлеуметтік-мәдени категория ретінде сипатталатын тарихи жады мейлінше терең болған сайын, сондай-ақ тарихи сана неғұрлым тереңнен тамыр тартқан сайын, адам және тұтас қоғам соғұрлым рухани байи түседі. Бүгінгі күнді түсініп, келешекті болжау үшін өткенді білу қажет. Адам алдыңғы буынның жинақтаған әлеуметтік-мәдени тәжірибесіне терең бойлағанда, оның өмірлік және азаматтық ұстанымдары айқындала түседі.
Тарих өткенмен, адам жадысымен және әлеуметтік санамен сабақтас. Тарихи сананы төл тарихты зерттеп-зерделеу, ұлттық мәдениеттің негізін құрайтын іргелі құндылықтарды игеру арқылы ғана қайта жаңғыртуға болады. Адамдарды рухани оятатын ана тілімен қоса, дәстүрді де жаңғырта отырып, халықтың өткен тарихын толығымен қалпына келтіру қажет. Тәуелсіздіктің рухани тұғырнамасын түзетін тарихи сана-сезімнің қалыптасуы деген – осы», - дейді философия ғылымдарының докторы, профессор Б.Сатершинов [38].
Жүсіп Баласағұнның «Құтты Білік» дастанындағы тәрбиелік негіздерін мектепте әрбір оқу пәндерінде, мысалы, қазақ тілі, әдебиет, тарих, қоғам және адам, әдеп сабақтары мен тәрбие сағаттарында мысалдар, жыр шумақтары, ақыл-өсиет ретінде жиі-жиі келтіру ұсынысымыз еді.
Біз Жүсіп Баласағұн шығармаларының осы жоғарыда айтылған мүмкіндіктерін педагогикалық іс-тәжірибе барысында оқушылармен тәрбие жұмысын өткізу барысында пайдаландық. Төменде үлгілері ұсынылады.
Жүсіп Баласағұнның «Құтты білік» дастанын зерттеу барысында іс-тәжірибеде жүргізілген жұмыстарының мазмұны
Достарыңызбен бөлісу: |
