ҰОҚ барысы:
І. Ұйымдастыру кезеңі.
Стадионның қандай мақсаттарда пайдаланылатыны жөнінде әңгімелесу. Жаттығып,
шымыр да күшті болу үшін стадионға барып қайтуға шақырады.
II. Негізгі кезең.
Тізбекте бір-бірден жүру. Баяу қарқынмен жүгіру – стадионды айналып бір минут жүгіру,
демін қалпына келтіру.
Балалардың назарын мұрын арқылы демалу керектігіне, жүгіргенде қарқын мен ырғақты
сақтау қажеттігіне аударады.
Шеңбер құрап тұру. Гантельдердің (пластмассадан жасалған конструктор) көмегімен
жалпы дамытатын жаттығулар жасау. Балалардың тыныс алуы мен қолдарының
қимылына назар аудару.
«Стадион» залды түрлі түсті таспа жіптің көмегімен екі бөлікке бөледі (изолента).
Негізгі іс-қимылдарды топқа бөлініп ойын түрінде орындау.
Бірінші сап.
Тепе-теңдік – қолдарын белге қойып, текшелерді аттап өту арқылы гимнастикалық
орындықтың үстімен жүру. Дене сымбатын сақтап, денені тік ұстау.
Екінші сап.
Гимнастикалық орындық үстінде етпетінен жатып еңбектеу, қолдарымен тартылу.
Орындықты қапталдан дұрыс ұстау тәсілін көрсету – бас бармақпен орындықтың үстінен,
қалған төрт саусақпен астынан ұстау қажет.
Қимыл-қозғалыс ойыны: «Қорықпаймын».
Аяқтың ұшымен, жеңіл әрі ырғақпен секіру қажеттігін ескертеді.
Ұйымдастырылған оқу қызметі барысында педагог балалармен жеке-жеке жұмыс істейді.
Достарыңызбен бөлісу: |
