ҰОҚ барысы:
І. Ұйымдастыру кезеңі.
Балаларға әкелері сияқты күшті, епті болу үшін жаттығуға шақырады.
II. Негізгі кезең.
I.
Алаңның бір жағынан қарама-қарсы жағына жүру, баяу жүгіру. Балалар жүгіру
кезінде алаңның бір жағымен тізелерін жоғары көтере отырып жүгіреді. Жүру.
Бастаушылардың артынан 3 тізбек болып қайта сапқа тұру.
II.
Заттарсыз жалпы дамытатын жаттығулар орындау (№3 кешен).
III.
Тыныс алу жаттығуын орындау (5 рет).
1.
«Таңғаламыз».
Б.қ. – тік тұрып, иықты төмен түсіру және еркін тыныс алу.
1 – иықты ақырын көтеріп, бір уақытта демді сыртқа шығару.
2 – б.қ.
2.
«Иық».
Иықтармен жұмыс істейміз, иығымызбен билейміз.
Б.қ. – негізгі тұрыс
1 – иықты алға шығарып, төмен түсіп тұрған қолдарымызды ақырын айқастырамыз,
еркін демаламыз.
2 – иықтарымызды ақырын артқа жіберіп, жауырындарымызды қосамыз және сол
уақытта демімізді сыртқа шығарамыз.
3.
«Тербелеміз».
Б.Қ. – негізгі тұрыс.
1 – омыртқаны кеуде тұсынан иіп, алға қарай еңкейеміз және демді сыртқа
шығарамыз.
2 – ақырындап денемізді түзейміз және тыныс алып, артқа шалқаямыз.
4.
«Бұрылу».
Б.қ. – негізгі тұрыс
1 – тыныс аламыз.
2 – демді сыртқа шығарғанда бұрыламыз – бір қолды артқа, екінші қолды алға
жібереміз.
3 – б.қ.; осыны екінші жағымызбен қайталаймыз.
5.
«Бүйіріңді сипа».
Б.қ. – аяқтың арасын ашып, қолды төмен түсіріп тұрамыз.
1 – оң қолды ақырын көтеріп, иығымызды көтереміз (тыныс алу).
2 – қолымыз бен иығымызды түсіреміз (демді сыртқа шығару). Осыны сол
қолымызбен қайталаймыз.
Достарыңызбен бөлісу: |
