Еңбекті қорғау

Химиялық зертхана жұмысы барысында барлық химиялық заттар әртүрлі дәрежеде улы екендігін естен шығармау қажет.(3 прилож) Тек улы емес - таза су ғана. Химиялық заттармен жұмыс кезіндегі қауіптіліктің алдын алу шаралары - олардың ағзаға өкпе, тері және ауыз арқылы өтіп кетпеуіне жол бермеуге бағытталуы керек.

Улану мүмкіншілігін азайтудың тиімді бір жолы – аса улы реактивтер мен еріткіштерді улылығы аздауға ауыстыру болып табылады. Мысалы, толуолмен жұмыс істеген кезде ауаға жайылатын буының мөлшері бензолдікімен салыстырғанда үш есе кем, сонымен қатар толуол ағзаға түскен кезде тез бензой қышқылына дейін тотығып кетеді (бензол үшін ЖКШ (жіберілу концентрация шегі) 5мг/м³, ал толдуол үшін ЖКШ - 50мг/м³) және иісі тез сезіледі (бензол үшін ИСБ (иісті сезу бастамасы) 5мг/м³, ал толдуол үшін ИСБ – 1,8мг/м³).

Өндірістік санитария көзқарасынан метил спиртін этанолға, төртхлорлы көмірсутекті пен хлороформды 1,1,1-үшхлорэтанға, диоксанды этиленглюкольдың диметил немесе диэтил эфирлеріне ауыстырған тиімді болып табылады.