| Зиянды газдар, булар және аэрозольдар ингаляциясы. Зиянды заттарды жұту – зертхана машығындағы ең бір көп таралған қауіптілік. Аса қауіптілікті тудыратын, соның ішінде созылмалы улануға әкеліп соқтыратын - ұзақ уақыт аралығындағы исі аса сезілмейтін концентрациялармен тыныс алу.
Ингаляциялық уланумен күресудің негізгі жолы - газдардың, булардың және аэрозольдардың зертхана бөлмелері ауасына таралмауының алдын алу. Сұйық, ұшқыш заттармен және тозаң шығаратын қатты заттармен жұмысты тек іске қосылған сорғыш шкаф ішінде жасауға ғана рұқсат етіледі. Сорғыш шкаф ішіне, сонымен қатар химиялық заттар кептіргіштерін де орналастыру керек.
Әдетте сорғыш шкаф ішінде тек исі қатты шығатын заттармен ғана жұмыс істеу көп кездеседі. Ал шынында исі аз шығатын зиянды заттар ағзаға көбірек қатер туғызатын болғандықтан, кез келген химиялық заттармен жұмыс сорғыш шкаф ішінде өткізілуі тиіс.
Зертхана кезекшісі жұмыс уақытынан жарты сағат бұрын сорғыш вентиляциясын іске қосуы тиіс.
Жұмыс орнында ұшқыш заттардың артық мөлшерін сақтауға болмайды, өйткені қақпақтың нығыз жабылмағандығынан олардың ауаға таралу қаупі төнеді.
Ұшқыш қатты немесе сұйық заттарды өлшеу тек нығыз жабылатын ыдыстарда ғана жүргізілу керек. Егер олармен жиі жұмыс істейтін жағдайда қажетінше таразыны сорғыш шкаф ішіне орналастырған дұрыс болады.
Зертхана атмосферасы кездейсоқ улы газдармен не булармен ластанған апат кезінде, апат соңын (жабдықтарды сөндіру, төгілген сұйықты жинау т.с.с) жою үшін тек противогаз киіп қана бөлмеде қалуға болады.Әр қызметкердің жеке противогазы жұмыс орнында көрнекті жерде және әрқашан тез қолдануға дайын тұруы керек. Мүлде сорбцияланбайтын заттар - ацетилен, метан, бутан, этилен т.с.с., сонымен қатар атмосфера ластандыратын құрамы белгісіз газдар мен булар ауаға жайылған кезде противогаз қолдануға тиым салынады. Мұндай жағдайда бөлмеде қалуға болмайды.
Зиянды сұйықтар, әсіресе ЖКШ –сы бар, сорғыш шкафтан тыс төгілген сәтті де, апат жағдайы ретінде қарастыру қажет. Бұл жағдайда ауадағы улы заттардың концентрациясының мөлшері ЖКШ мәнінен аспағанына индикатор-түтікшенің көмегімен анықтай отырып, көз жеткізген кезде ғана жұмысқа кірісуге болады. (прилож.6)
Әдетте төгілген сұйықтарды жинау кезінде қолданатын құмның сіңдіру қабілеті аса жоғары емес. Сондықтан бұл мақсатта құрғақ ағаш қиқымдарын және кеуекті материалдарды пайдаланған жөн.
Достарыңызбен бөлісу: | 
