Активті марганец диоксидін дайындау

1. 250 мл 5-дық MnSO₄ -ке тамшылататын воронкадан 2 сағат бойы қарқынды араластыра отырып, 200мл 5-дық КМnO₄ ерітіндісін тамшылатып құяды. Қоспа температурасы 50-60С аралығында болуын мұқият қадағалап отыру қажет. Одан кейін қоспаны тағы 2 сағат бойы 60С температурада қыздырады да, бір күнге 30-35С –та қалдырады. Марганец диоксидінің тұнбасын сүзіп, SO^2-₄ иондарын кетіргенше сумен мұқият жуады да, 110-120С температурада 8-10 сағат бойы кептіреді.

Шығымы 17г шамасында (сандық талдауға жақын).
2. 150 г ұнталған MnSO₄ –тың 140 г судағы суспензиясына араластыра отырып 675 г концентрациялы H₂SO₄ қышқылын абайлап құяды. Реакция қоспасы қызады да, жұқа суспензия түрінде марганец сульфаты бөлінеді. Массаны 50С-қа дейін суытып, оған бірнеше минут ішінде аздаған мөлшермен 150г ұсақкписталды КМnO₄ қосады. Реакция қоспасының температурасын 65-75С аралығында ұстап тұру қажет. 10-15 минуттан кейін қоспаны араластыра отырып жіңішке ағынмен 25 мл дистилляцияланған суға қосады. Тұнба тұнып болғаннан кейін суды төгіп, марганец диоксидін сүзгіш қағазға көшіреді де, SO^2-₄ иондары толық кеткенше сумен мұқият жуады. Тұнбаны температураны 180С-қа жеткенше біртіндеп көтере 6 сағат бойы кептіреді.
Шығымы 280г шамасында (сандық талдаумен бірдей).