Педагогикалық қызметкерлердің аттестациясы

Білім берудің сапасын көтерудің басты жағдайлары - білім беру ұйымдарында қазіргі талаптарға сай материалдық-техникалық базаның болуы және олардың жаңашыл оқу құралдарымен жабдықталуы, сонымен қатар заманауи оқыту кабинеттерінің болуы. Мектеп ғимараты типтік, үш қабатты, мектеп санитарлық нормалар мен техника қауіпсіздігіннің нормалары талаптарына толықтай сәйкес келеді. Оқу-тәрбие ісін сапалы ұйымдастырудың, оқушылардың оқудағы жетістіктерінің деңгейін жоғарылатудың негізгі факторлары - заманауи оқу кабинеттерінің жұмыс істеуі. Кабинеттреді техниканың озық құрал-жабдықтарымен қамтамасыз ету мемлекеттік жалпыға міндетті білім беру стандартының талаптарын жүзеге асыру мүмкіндігін айғақтайды, оқушылардың сапалы білім алуына және толыққанды меңгеруіне ықпал етеді. Гимназия-интернатта оқу кабинеттерінің саны - 34, құжаттандырылғаны - 34. Оның ішінде математика, география, орыс тілі, ағылшын тілі, жаңа үлгідегі биология, химия кабиеттері, физика, екі қазақ тілі, тарих, АӘД, екі еңбек кабинеті, төрт бастауыш сынып кабинеті аттестациядан өтіп құжаттандырылған. Мектепте 1 спорт алаңы, 1 спортзал, 120 орындық асхана, 240 орындық жатақхана бар. Акт залы, 1 шеберхана(ағаш өндеу), 1 компьютер класы, 18 интерактивті тақта, өзін-өзі тану, алғашқы әскери дайындық кабинеті, кітапхана, 40 орындық оқу залы бар. Мектепте медициналық кабинет және процедуралық кабинет бар.

Мектеп кітапханасы оқу-тәрбие үрдісінде оқушылар мен педагогикалық ұжымның интеллектуалдық деңгейін арттыруға үлес қосады. Оқу-тәрбие үрдісінде және үздіксіз оқу барысында оқушыларға ақпарат алуға, мұғалімдердің қажеттіліктеріне сәйкес ақпараттармен қамтамасыз етуге көмектеседі. Мектеп кітапханасының қоры артуда. Мектеп кітапханасының мерзімдік басылымдарға жазылуы жылдан-жылға көбейіп келеді. 2014-2015 оқу жылымен салыстырғанда 40% өсті. Кітапханада оқырмандар саны көбеюде. Кітапхананың негізгі қоры – 24649 дана кітап, оның ішінде – 13595 көркем әдебиет, оқулық қоры – 8869 дана, электрондық оқулықтар саны – 220.

2015-2016 оқу жылында 4-сынып, 5-сынып,6-сынып, 11-сыныптың ҚГ, 11-сыныпың ЖМ бағытындағы сыныптарға барлық оқулықтар, ағылшын пәндері оқулықтары және барлық сыныптарға өзін-өзі тану оқулығы мен дәптері және 132 дана көркем әдебиет келіп түсті. Мемлекеттік тапсырыс бойынша бюджеттен кітап қоры толықтырылып отырады

2013-2014 оқу жылында – 2650;

2014 -2015 оқу жылында – 3600;

2015-2016 оқу жылында – 4077.

Оңтүстік Корея Тэджон қаласында өткен «Жас ғалым-2015» халықаралық ғылыми жобалар сайысының 1 орын жүлдегері 11-сынып оқушысы Жұмабеков Асхат. Алматы қаласында өткен V Ө.Жолдасбеков атындағы математикадан және механикадан зерттеу жұмыстарының халықаралық конкурсының 2 орын жүлдегерлері: Какимов Сағындық пен Искаков Нұрлыбек. Байқоңыр қаласында өткен «Ғылым әлемін ашамыз-2015» халықаралық ғылыми жобалар сайысының 2 орын жеңімпазы Қажыбаева Айдана. Ресей, Протвино қаласында өткен «Компьютерлік физика-2014» халықаралық турнирдің 3 орын жүлдегерлері: Кабдула Ануар мен Қайыргелді Олжас. Ресей, Москва қаласында өткен "Математика және жобалау - 2015" халықаралық ғылыми конкурсының жүлдегерлері: Кожантаева Камила - ІІ орын, Бекембаева Жанель – ІІІ орын. Павлодар облысы, Баянауыл аулында өткен Қ.Сәтбаев атындағы Халықаралық олимпиаданың жеңімпазы : география пәнінен Аңдамасов Данияр 8-сынып.

IҮ республикалық астротурнир жеңімпаздары: Какимов Сағындық, Искаков Нұрлыбек, Айтен Бахтияр. 19-21 наурыз 2015 ж Түркістан қаласында өткен Ақындық пен шешендікке баулитын «Ақберен» байқауында Дипломмен,ІІ республикалық байқауының ақындар мүшайрасы бойынша ГРАМОТА «Патриот ақын» номинациясымен Наматова Үміт марапатталды. ГРАМОТА Ақындық пен шешендікке баулитын «Ақберен» ІІ республикалық байқауындағы ерекше жетістіктері үшін Өмірзақова Жанерке марапатталып келді. Жалпы білім беретін пәндер бойынша ғылыми жобалар конкурсының ІІ орын иегері: Оспанов Мұхтар, ІІІ орын: Ұланова Айғаным-Қабешова Бақыт. “Зерде” 1-7 сынып оқушыларының зерттеушілік жұмыстары мен шығармашылық жобаларының республикалық конкурсынан орын алған оқушылар: ІІ орын: Коспакаева Зейнегуль-Сулейменова Сания, Баркитова Сабина-Бажикова Жулдыз; Жалпы білім беретін пәндер бойынша олимпиаданың республикалық кезеңінің жеңімпаздары: Калкенова М 1 орын орыс т, грамота иегерлері: Молдабаева А тарих, Жанатаев Даулет физика, Мухамедгалиев Диас география. «Сардар» II республикалық кешенді олимпиадасының жүлдегерлері 3 орын: Ағыбай Алпамыс пен Бекешай Данияр, Мақтау қағаздарымен марапатталған Нұрмұқан Абзал. Қ.Бітібаева атындағы қазақ тілі мен әдебиетінен республикалық олимпиаданың 2 орын жеңімпазы Ұланова Айғаным. Республикалық лингвистикалық олимпиадаға қатысушы сертификаты 9-сынып оқушылары Бапаева Анель, Жангалиев Нурлан. Қазақстан тарихы пәнінен «Тарих ата» Х республикалық қашықтық олимпиадасының жүлдегерлері: 2 орын – Аубакирова Ляйла, Ерсайын Алия; 3 орын – Бапаева Анель, Капезов Тимур; Курманова Камила – қатысушы сертификаты.

1. Қабдола Әсет 2 орын, 8-сынып;

2. Қазтаева Гүлназ 2 орын, 8-сынып;

3. Жантемирова Асем 2 орын, 8-сынып;

Математика пәні бойынша КОМАНДАЛЫҚта 2 орын: Қабдола Әсет, Қазтаева Гүлназ, Жантемирова Асем; физика пәні бойынша Грамотамен марапатталғандар: Жанатаев Даулет-1 орын, Мусин Максат 1 орын, Кабдола Ануар 1 -орын, Шакирова Камилла 2 -орын, Кайырбек Акжол 2- орын, Рахимгереева Наргиз 2- орын. Физика пәні бойынша КОМАНДАЛЫҚта 1 орын: Жанатаев Даулет, Мусин Максат, Кабдола Асет. Физика пәні бойынша КОМАНДАЛЫҚта 2 орын: Шакирова Камила, Рахимгереева Наргиз, Кайырбек Акжол. Физика пәні бойынша АЛҒЫС ХАТПЕН марапатталғандар: Кадыров Болатхан, Каржауова Гүлзат, Исмагулов Максат.

Мектеп – интернаттың «Білім нәрімен қуаттандыру» бағдарламасы негізінен жеке тұлғаға бағытталған, оған қоса шығармашылық және зерттеушілік әрекетіне бөлінген бейімділік сағаттарында іске асырылады. Дарынды оқушылар пән бойынша тереңдетілген білімді мектепте алып, СҚМУ-нің зертханаларында кеңейтуге мүмкіндіктері бар. Осындай күрделі деңгейде жұмыстарды жүргізу үшін оқушылардың білімдері толық және жеткілікті болуға тиісті, сол себептен 5-8 сыныптардағы ерекше дарынды оқушылардың жеделдетіп оқыту бағдарламасына көп көңіл бөлінеді.

Мектептегі тәрбие жұмысының нәтижелігінің бір ұшы ата-аналармен, қоғамдастықпен мектептің бірлескен әрекетінде екені еш уақытта күмән туғызбайды. Бала мектеп табалдырығын аттағанға дейінгі оның алғашқы ұстазы – ата-анасы. Мектеп пен отбасының ынтымақтастығын жүзеге асыруда сынып жетекші және тәрбиешілер негізі рөл атқарады.

Сапалы білім мен жан-жақты тәрбие беру арқылы адамгершілігі зор, рухани-шығармашылығы бай, отаншыл,полимәдениетті жеке тұлға қалыптастыру.

-Тәрбие бағыттары бойынша іс-шаралар өткізу;

-Мерекелік сынып сағаттары мен кездесулер ұйымдастыру;

-Интеллектуальды ойындар мен жарыстар жүргізу.

Рухани адамгершілік құндылықтар мен білім жүйесін дамытып қалыптастыру; кәсіптік және адамгершілік әдептерге байланысты білімді игеру, өндірістік және қоғамдық іс-әрекеттерде іске асыру. Осы мақсатты іске асыру барысында психолог арнайы тақырыптық ата-аналар жиналыстарын жүргізіп, ата-аналармен «Мен қандай анамын-әкемін?», «Бала бойындағы адамгершілік қасиеттер» сияқты сауалнамалар алынды және тренингтер, әңгімелер мен талқылаулар жүргізілді. Оқушылардың өнерін дамыту мақсатында мектепте би, ән, домбыра үйірмелері жұмыс істейді.

Үйірме жұмыстарының мақсаты: оқушылардың бойындағы дарындылықтарын ашу, дүниетанымын кеңейту, шығармашылық қабілеттерін, таным көкжиектерін арттыру. Осы уақытқа дейін үйірме жұмыстары біршама жұмыстар атқарды. Атап айтсақ, қыркүйек айында «Білім күні» мен «Тілдер апталығында» би және музыкалық студия, домбыра оркестрі, драмалық үйірме өз жұмыстарын көрсетсе , «Ұстаздар күнінде» бар үйірме мүшелерінің қатысуымен комақты жұмыс көрсетілді. Алғаш өткізілген «Еңбек және Қарттар күнінде» үйірме мүшелері толықтай іс-шараға қатысып, оқушылары көңілден шығарлықтай өнер көрсетті. «Күзгі бал» мен «Танысу кеші» іс-шараларында да оқушылар өз үйірмелерінен алған өнерлерін ортаға сала білді. Шахмат ойнау шеберліктері де қала, облыс көлемінде жетістіктерге жетті.

Халықаралық 8 наурыз мерекесіне арналған «Өмірде ана-бұлақ, ана-пана, өмірді өркендетер ана ғана» барлық сыныптарда сынып сағаттары, мектеп кітапханасында осы тақырыпта көрме ұйымдастырылып. «Ана менің өмірімде» суреттер байқауы, Қазақстан Республикасының 2006-2016 жылдарға арналған Гендерлік теңдік стратегиясының негізгі ережелерін талқылау 10-11-сыныптарында диспут, дөгелек үстел, «Шеше көрген тон пішер...» 5-9 сыныптарда қол өнер көрмесі, отбасындағы балалық шақ, ана туралы құндылықтарды сақтауда «Бала тәрбиелеудегі ана рөлі» 5-6 сыныптарда ата-аналар жиналысы, «Ардақты ұстаздар галереясы» 10-сынып мұражайға саяхат, мерекелік спорттық іс-шаралар: волейбол, шахматтан сайыстар, «Өмірдің иесі сен, ғазиз Ана!», «22 Наурыз мейрамына» арналған мектепте мейрамды атап өтуге байланысты шығармашылық топ құрылып, «Сәлем, Наурыз» тақырыбына байланысты стенд әзірленіп, газеттер мен викториналар, «Наурыз – табиғат таңы» атты тақырыпқа суреттер көрмесі, мектеп кітапханасында «Көктем мен жаңарудың мерекесі» көрмесі, Наурыз мейрамын тойлауына байланысты «Салт дәстүр және әдет-ғұрып» туралы ата-аналармен бірлесіп тәрбие сағаттары, «Мерекелік дастархан» ұлттық асхана тағамдыры, мерекелік спорттық іс-шаралар, «Наурыз туралы не білесің» сауалнама, «Қош келдің, нұрлы Наурыз» атты концерттік, театрландырылған бағдарлама ұйымдастырылып өткізілді.

Тәрбиеленушілердің санасында дәстүрлі ұлттық және моральдық құндылықтар отбасы негізінде қалыптастыру.

Осы бағыт негізінде «1-5-сынып оқушыларының мектепке бейімделудегі қиындықтары» тақырыбында айлықтар өткізілді, айлық барысында әлеуметтік педагог, сынып тәрбиешілері ата-аналармен тығыз жұмыс жүргізді, әр оқушының жекелеген психологиялық ерекшеліктері мен отбасындағы тәртіп жағдайы зерттеліп, оқушының бейімделуіне ықпал ететін факторлар қолға алынды. Әр сынып ата-аналарымен тестілеу, сауалнамалар өткізу: «Оқыту мен тәрбиелеудің келешегі», «Ата-ананың өз баласына көзқарасы», Жеке ата-аналармен тақырыптық кеңестер өткізіліп, ата-аналар жиналысына оқушылар шығармашылығынан көрме ұйымдастырылды. Ата-аналардың қатысуымен ашық сабақтар, тәрбие сағаттары, суреттік диагностикалары: «Менің жанұямдағы демалыс күндері», «Менің туған күнім» және мектеп пен отбасы серіктестігі: бірлесіп өткізетін мерекелер, үй тапсырмасын орындау, бала тәрбиесінде білікті көмек көрсету, ата-аналардан «қолдаушы» топтарын ұйымдастыру, қыз балаларға арналған жиналыс «Ұлттық гендерлік тәрбие ерекшеліктері», «Этнопедагогика негізіндегі қыз бала тәрбиесі» ұдайы өткізілді.

Өзін-өзі тану мен өзін-өзі дамыту қажеттігін қалыптастыру бағытының мақсаты: өзін-өзі тану жастарға қоршаған ортаны түсінуге, оған өзінің қатыстылығын саналы сезінуге, қоршаған ортаға өзінің көзқарасын жалпы адамзаттық құндылық ұстанымына жүйелеу, өзінің өмірлік ұстанымын анықтау. Адам-адам, қоғам-қоғам, адам-техника, адам-табиғат жүйесіне терең білім қалыптастыру.

Оқушыларды сыныптан тыс үйірмелерге, клубтарға қабылдау, Жалпымектептік спорт мерекесін өткізу «Күзгі кросс», қыз балалар жиналысы «Санитарлық-гигиеналық талаптардың орындалуы», «Мектеп ережесімен жете танысу», «Мектеп интернатындағы бос уақытың: спорт және салауаттылық», интернат тәрбиешіленулерінің күн тәртібін қадағалап отыру, «Спортты сүйетін жанұям» атты ата-аналармен бірге спорттық сайыстар өткізу, оқушылардың гигиеналық тазалығын қалыптастыру, дамыту, Қалалық басқа білім мекемелерімен серіктестік спорттық сайыстар өткізу, «Жанұядағы салауатты өмір салты» тақырыбында тәрбие сағаттар, интернат бөлмелері мен мектеп ғимаратын көркейту жұмыстарының барысы қадағаланды.

«Қазақстан халқы ассамблеясының 20 жылдығына» мектепте 5-11-сыныптарында «Қазақстан халқы ассамблеясы» атты сынып сағаттары, «Достық үйі» суреттер байқауы, «Көп ұлтты болуымыз – біздің байлығымыз, мақтанышымыз...» тақырыбына 9-11 сыныптармен кеш өткізілді. Қазақстан Халқының бірлік күні білім алушылар тарихи-өлкетану мұражайына және мектеп мұражайына апарып, ұлттық мәдени орталықтардың өкілдерімен кездесіп, дөңгелек үстел, Қазақстан халқының бірлік күні мерекесінің маңыздылығын ашып көрсететін дәрістер, сынып сағаттар, Қазақстан халқынынң бірлік күніне арналған мерзімді басылым материалдары бойынша көрмелерді рәсімдеу, «Бір шаңырақ астында» мерекелік іс-шара ұйымдастырып өткізілді.

25 мамыр күні «Сыңғырла соңғы, қоңырау!» атты 1-4 сыныптарда 22 мамыр, 5-8 сыныптарда 23 мамыр және 9-11 сыныптарда 25 мамыр күндері салтанатты мектепшілік іс-шара өткізілді.

Бүгінгі тәуелсіз еліміздің дамып, одан әрі өсіп - өркендеуі мен бәсекеге барынша қабілетті болуы, ең алдымен жастардың білімділігі, мәдениеттілігі, саяси саналылығы мен өмірге бейімділігіне байланысты болса керек. Жеке адамның дамуы мен оны дұрыс тәрбиелеу, педагогикалық және психологиялық бағыт – бағдарға тікелей байланысты. Сол себепті балаға тәлім – тәрбие беріп, оны білім – ғылымға баулитын ұстаздары мен тәрбиешілердің міндетті түрде білікті, көрегенді, әрі өнегелі болғаны дұрыс.  «Білімдіден шыққан сөз, талаптыға болсын кез» - деп ақын Абай айтқандай, ақыл – ой тәрбиесінде пікірлесу, пікірталас арқылы ой дамыту, оқушы тұлғасының өзіндік ерекшеліктеріне сәйкес оның дарынын дамытуға, интеллектісін арттыруға ат салысатын адамның өзі осыған сай болғаны дұрыс.

қиындықтар, олардың шешілу жайы мен жолдары, жаңа бастамаларға деген көзқарастары деген т.б. сауалдарға жауаптар алынды. Сол арқылы ХХІ ғасырдағы мектеп оқушысының бойында болуға қажетті дағдылардың тізбесі мен сипаттары анықталды. Жоғарыда аталған деректерді басшылыққа ала отырып, талдау жұмыстарын жүргізген кезде мектептің даму жоспарына мектептің болашақтағы оқыту мен оқу тәжірибесіне өзгерістер енгізер алдында мұғалімдердің, оқушылар мен ата-аналардың пікірін біліп алудың маңыздылығына көз жеткізіп, мектептің басшылығы, әкімшілігі және қызметкерлері мектеп жұмысының алдағы уақыттағы бағыттары туралы шешім қабылдау үшін бірлесе жұмыс істеулері керек деген тоқтамға келді.  Мектептің даму жоспарына енгізген өзгерістер ішінде педагог қызметкерлердің кәсіби дамуына мақсатты түрде басымдықтар берілді. Негізгі мақсаты  мұғалімдер әр сабақта жаңа әдіс-тәсілдерді, модульдерді қолдануы және өзара тәжірибе алмасуы, оқушыларды топпен жұмыс істеуге машықтандыру жолдарын меңгерту, мұғалімдердің кәсіби біліктілігін  жоғарылату және жаңаша жұмыс істеуге ынталандыру болып табылды. Мұнан күтілетін нәтиже ең алдымен, оқу сапасы жоғарылайды, оқушының пәнге деген қызығушылығы артады, оқушылар  арасында ынтымақтастық қалыптасады, сөйлеу дағдысы қалыптасады, бірін - бірі тыңдауға үйренеді. Мектептің дамыту

бағытына байланысты жаңаша оқыту тәсілдері бойынша мұғалімдермен өткізген коучинг сессияларын қадағалап, ақыл-кеңестер беру және мұғалімдер коучинг бойынша топтарға бөлініп, жаңаша сабақтың ОМЖ және ҚМЖ сабақ жоспарларын жасап, ол сабақтарда мүмкіндігінше  Lesson study түрінде жоспарлауға машықтандыру жолдары қарастырылды. Мектепте өзара тәжірибе алмасу мен оқып-үйренуге бағытталған кәсіби қоғамдастық құруда  қарым-қатынас пен біріккен іс-әрекет жүргізуге  ұйымдасқан адамдар тобын құру, іскерлік қатынастар желісін орнату, кәсіби ақпаратпен алмасуларды жүзеге асыру,  оқушылардың білім сапасы жоғары нәтижеге жету үшін оқыту мен оқу үдерістерін жетілдіруге бағытталған түрлі іс-шаралар жопарланды.    

Гимназия-интернатында Айнагүл Жұмабекқызының басқаруымен дарынды оқушылармен жұмыс істеуде мектепте ғылыми орталықтың жұмысы дұрыс жолға қойылған. Мектепте оқушылардың ғылыми қоғамы құрылған. Оқушылармен тәжірибелі мектеп мұғалімдерімен бірге жоғарғы оқу орындарының профессорлары, оқытушылары жұмыс істеуде. Бүгінгі күні мектептің оқушылары халықаралық, республикалық, облыстық ғылыми жобалардың жеңімпаздары. Жылда мектеп түлектерінің 50 пайызы ҰБТ-дан босатылып, мемлекеттік грант иегері атануда.

Мектебіміздің материалдық-техникалық базасының мықтылығы жетістіктерге жетудің бір жолы деп айтуға болады. Мектепте жаңа үлгіде жабдықталған химия, биология кабинеттері жұмыс жасайды. Негізгі пәндер бойынша кабинеттерде 18 интербелсенді тақталар құрылған. Барлық кабинеттер интернет желісіне қосылған компьютермен қамтамасыз етілген. Мектептің барлық кабинеттерінің жаһаздары жаңартылған.

Пәндік олимпиада - оқушы білімінің басты көрсеткіші, ұстаз еңбегінің нәтижесі. Мектебімізде олимпиадаға дайындық дұрыс жолға қойылмауынан ба, әлде мұғалімдердің тәжірибесіздігінен бе, әсіресе, республикалық олимпиададан нәтижеміз төмен. Сондықтан да әлсіз тұсымыз деп таныдық.

Республика бойынша дарынды балаларға арналған мектеп мұғалімдердің тамыз конференциясында үздік ондыққа кірген мектептердің аты аталып, марапатталады. Үздіктер қаратына ену үшін жыл бойы мұғалімдердің, оқушылардың шығармашылығы, пәндік олимпиада, ғылыми жобалар сайысы, ҰБТ бойынша нәтижелер алынып, бағаланады. Өкінішке орай, дарынды балаларға арналған білім беру ұйымдарының үздік ондығының ішінде болмауымыз бұл да мектебіміздің әлсіз тұсын білдіреді. Осыған байланысты оқушыларды ҰБТ-ға сапалы дайындау, пәндік олимпиадалар, ғылыми жобалар сайысы, авторлық бағдарламалар, инновациялық жобалар фестивалі, шығармашылық сайыстарға қатысуға көп көңіл бөлінбекші.Жыл соңында нәтижелер талданып, қорытынды жасалады.

Мектепте мұғалімдер контингентінің тұрақтылығы білім сапасының көрсеткіші болып табылады. 2015-2016 оқу жылында 4 жас мұғалім қабылданып, санатсыз мұғалімдердің саны 15-ке жетті. «Жас келсе, іске»,-деген сөзде үлкен мағына жатса да жас мамандардың қашан нәтижелі жұмыс істері белгісіз. Бұл біздің биылғы оқу жылындағы әлсіз тұсымыз. Осыған орай мектебімізде «Жас мамандар» мектебі құрылып, топқа І деңгей мұғалімі Тоқпанова Б.С. басшылық етеді. Жас мамандарды өз ісінің маманы қылып өсіріп-баптауда «Жас мамандар» мектебінің маңызы зор. Осыған байланысты жас мамандарға тәлімгерлер сайланып, жылдық жұмыс жоспарлары бекітілді.

Басқа жалпы білім беретін мектептерге қарағанда мектебіміздің оқушыларының да, мұғалімдерінің де әр түрлі сайыстарға, конференцияларға қатысуларына мүмкіндіктері зор. Өйткені мектеп әкімшілігі әдістемелік, материалдық жағынан болсын үнемі қолдау жасап отырады. Биылғы оқу жылында мұғалімдердің әдістемелік жағына көп көңіл бөлінбекші. Мұғалімдердің авторлық бағдарламалар сайысына, инновациялық жобалар фестиваліне, т.б. сайыстарға қатысуға жағдай жасалады. Сонымен қатар мұғалімдердің эстетикалық жағынан талапқа сай және ішкі мазмұны құнды әдістемелік құралдар жазу ісі де қатаң түрде қолға алынбақшы.

Мектептің проблемасын алдын-ала анықтап алған жағдайда ғана оның алдын алуға болады. Сондықтан да мектеп жағдайына проблемалық талдау жүргізу мектептің дамуы үшін маңызды. Бүгінгі таңда мектептің дамуына қауіп туғызып тұрған ең басты мәселе - ҰБТ бойынша негізгі пәндерден биылғы оқу жылында мектепке қабылданған жас мұғалімдердің беруі. Мектепте санатсыз мұғалімдер санының артуы білім сапасына әсер етеді деген қауіп жоғары болып тұр. 2014-2015 оқу жылында ҰБТ бойынша жалпы ұпай 100 пайыз көрсетсе, 2015-2016 оқу жылында 110 пайызға көтермекшіміз. Алға қойған мақсатымызға жету үшін ҰБТ-ға дайындықты биылғы оқу жылында10, 11-сыныптарда ерте бастап кетпекшіміз. Және де әкімшілік тарапынан мұғалімдердің жұмыстары қадағаланып, талдау жасалып отырады. ҰБТ нәтижесін жақсартуға байланысты Айтжанов Руслан Мамайұлы, Қаржауова Жадыра Сабыржанқызы және Зұлқарнаева Жадыра Темірғалиқызының «ҰБТ-ға дайындау әдісі» атты нұсқаулығы баспа бетінен шықпақшы. Жамалиева Айнаш Қожахметқызы мен Байманова Жарқына Кәлімқызының «ҰБТ-ның 100 есебі» атты әдістемелік жұмысын бүгінгі күні облыс мұғалімдері өз тәжірибесінде қолдануда.

Оқушылардың бейімділімен қабілетіне сәйкес негізгі және қосымша оқу бағдарламалары арқылы жеке тұлғаның

дамуына жағдай жасау.
   

Мақсаты:
 Шығармашылықпен жұмыс жасай алатын,бәсекеге қабілетті, ақыл – ойы дамыған, денсаулығы жақсы дамыған, қоғамда өз орнын таба білетін, білім деңгейін толықтырып, жалғастыратын тұлға.

 Мақсатты жүзеге асыру үшін мектептің алдында тұрған міндеттері:
-        оқушылардың білім деңгейлерін көтеру;
-        мұғалімнің кәсіби шеберлігін арттыру;
-        мұғалімнің шығармашылығын дамытуға,зерттеу жұмысымен айналысуға қабілеттілігі мен қызығуын тудыруға,жеке тұлға теориялық білімдерін тереңдетуге және оқу-тәрбие үрдісінде оны дамытуға қолайлы жағдай жасау;
-        білм беруді басқарудың одан әрі даму негізінде қазақстандық білім беру моделінің нормативтік, құқықтық базасын жетілдіру;
-        мектептегі барлық мұғалімдердің оқытудың жаңа технологияларын меңгеруін қамтамасыз ету;
-        мұғалімдер мен оқушылар қызығушылығын шығармашылық мүмкіндіктерін тұлғалық дамуларын зерттейтін диагностика жүйесін қалыптастыру;
-        оқу бағдарламаларына өзгерістер енгізу;
-        білім берудің мазмұны мен материалдық – техникалық базасын жаңарту;
-        оқушыларды шығармашылық жұмысқа бағыттау;

-  сапалы білім беру, үздіксіз даму аспектісінің негізінде құзіретті және үштілді, полимәдениетті тұлға қалыптастыру