Екібастұз қалалық оқу бөлімі №21жалпы білім беретін мектеп
жүктеу/скачать 0,52 Mb.
|
- Бұл бет үшін навигация:
- Тіл дамыту 2, 3- сыныптар Бастауыш сынып мұғалімі Жусупова Гульсим Бекеновна Екібастұз қаласындағы
- Үйірменің мақсаты
- Үйірменің міндеті
- Күтілетін нәтиже
- Нормативтік бөлім «Тіл дамыту» тақырыптық жоспар. 2-сынып
- «Тіл дамыту» тақырыптық жоспар. 3-сынып
- Тақырыбы Сағат саны Уақыты
| Екібастұз қалалық оқу бөлімі
№21жалпы білім беретін мектеп «Тіл дамыту» (2,3 - сыныптарға арнайы арналған бағдарлама) 2015-2016 оқу жылы Бағдарламаны мектеп тәжірибесінен өткізіп, жинақтап құрастырған: Екібастұз қаласындағы №21 жалпы білім беретін орта мектептің бастауыш сынып мұғалмі: Жусупова Г.Б Пікір: ПГПИ «Лингвистикалық орталықтың директоры, филология ғылымдарының кандидаты: Р.Р Жаева Түсініктеме: Бұл жинақта қазақ тілі,әдебиет бағдарламасының әр тарауларына арналып, қосымша тапсырмалар енгізілген. Әр тапсырманы орындау барысында оқушылардың ойлау, тіл дамыту, есте сақтау, сөздік қорын толтыру қабілеттері қалыптасады. Осы арнайы бағдарламаны бастауыш сынып мұғалімдеріне ұсынамын Тіл дамыту 2, 3- сыныптар Бастауыш сынып мұғалімі Жусупова Гульсим Бекеновна Екібастұз қаласындағы №21 жалпы орта білім беретін мектеп Түсінік хат Қазіргі кезде мектеп алдында тұрған маңызды проблемалардың бірі оқушының тілін , ой-өрісі, сана- сезімінің жан- жақты дамуының сапасын арттыру болып табылады. Бастауыш мектептен бастап баланы өмірге дайындау, тәрбиелеу жоғары орынға қойылуда. Соның бірі танымдық қызығушылықтарын, шығармашылық белсенділіктерін, өзін-өзі реттеу міндеттерін дамыту болып табылады. «Тіл дамыту» үйірмесі 2-3 сынып оқушыларына арналған . Үйірме аптасына 1 сағат, жылына 34 сағатқа берілген. Бұл үйірме оқушылардың тілдерін дамытып, әдеби мұраларға деген талғамын тәрбиелейді, рухани дүниесін кеңейтеді, ақыл-ойы мен ұлттық сана сезімін дамытуға ықпал жасап, ауызекі және жазба тілде байланыстырып сөйлеуін дамытады. Оқушылардың қазақ тілі, әдебиеттік оқу сабақтарына қызығушылықтарын арттырады. Үйірмеге тілге шешен, өз беттерімен шығарма жазуға, өлең шығаруға икемдері бар, шығармадағы көркем бейнелердің ерекшеліктерін сезініп аша білетін оқушылар тартылады. Үйірменің оқу материалына халық ауыз әдебиеті үлгілерін (аңыз-әңгімелер, өлең-жыр, шешендік сөздер, мысал, жұмбақ, жаңылтпаш, мақал-мәтелдер, ертегі т.б.) сабақ мазмұнына сай енгізу баланың алған білімін толықтырып, байытып жан-жақты дамуына дәйекті ықпал етеді. Сондықтан сыныптан тыс үйірме сағатында ұлтымыздың асыл мұраларын дәріптейтіндей, жеке тұлғаны дамытып, оқуға деген қызығушылықтарын оятып, адамгершілікке, ізгілікке, сыйластыққа тәрбиелеп, еркін дамуына жол ашу көзделеді. Үйірменің мақсаты: Оқушылардың сыныптан тыс уақытта шығармашылық ізденістерін, өзіндік қабілеттерін және қоғамдық қарым-қатынасын қалыптастырып, өзіндік талдау, жинақтау, жұмыста шапшаңдық таныту, өз ойын әдеби тілмен өрнектей білуге машықтандыру. Үйірменің міндеті: - Оқушылардың оқу-тәрбие үрдісінде алған білімдерін әрі қарай дамытуға мүмкіндік жасап, қабілеттерін шыңдау; - Көркем әдебиет жанрына байланысты өлең, шығарма жазуға дағдыларын қалыптастыру; - Оқушылардың қоғамдық белсенділігін дамыту; - Оқушылардың өзара қарым-қатынастарын қалыптастыру, белгілі бір еңбек түріне баулу, оны дамытуға ықпал ету.
Оқушылар ертегі, әңгіме, өлең тыңдауға, шығарманың мағынасын түсінуге, кейіпкерлерді бағалауға, адамгершілік қасиеттерді сипаттауға ниеттенеді. Өлеңдерді нақышына келтіріп, жатқа, мәнерлеп оқуға үйренеді. Оқуға деген қызығушылықтары артады. Нормативтік бөлім «Тіл дамыту» тақырыптық жоспар. 2-сынып (аптасына 1 сағат, барлығы 34 сағат)
«Тіл дамыту» тақырыптық жоспар. 3-сынып (аптасына 1 сағат, барлығы 34 сағат)
Қолданылған әдебиеттер 1 «Мақал – мәтелдер жинағы» 2. «Жұмбақ» Авторы: М Әбуова. Р.Сатаева 3. «Көркем әдебиет» 4. «Тіл тағылымы» Алматы: Ана тілі Авторы: Ә. Ысқақов 5. «Балдырған» журналы 2014 жыл  жүктеу/скачать 0,52 Mb. Достарыңызбен бөлісу:
|