2.5. “Жас физиктер” кеші
7-сыныптар арасында «Жас физиктер» атты физикалық кеш өткіздім. Кеш оқушылардың танымдық ойын белсенділігін, икемділіктерін арттыыру барысында өткізілді. Сайыс барысында оқушылардың өзін өзін тануына, өз күйін өзі сезінуіне, жағдай жасалды.
1-жүргізуші: армысыздар бүгінгі кешке жиналған физиканы сүюші қауым! Бүгінгі біздің «Жас физиктер» атты кешімізге қош келіпсіздер!
2-жүргізуші: Құрметті қауым! 7-сынып оқушылары арасындағы сайысқа қатысатысушыларды шақырайық. Танысыңыздар! Бірінші топ оқушылары «Ньютоншылар» тобы, екінші топ оқушылары «Диффузия» тобы, үшінші тобымыз «Қызыл жұлдыз» тобы.
1-жүргізуші:
Армысыздар құрметті төрешілер,
Сайысын әрбір тобын көресіздер.
Таразының екі басын тең қойып,
Сіздер бүгін әділ баға бересіздер –
деп, әділқазы алқасымен таныстыру.
2-жүргізуші:
Кезек келіп өжеттеніп, сөз алыппын
Танысайық, ғажап ойын, ғажап күн.
Тегіміз бір – батырақ та, бай да емес,
Емеспіз бе, азаматы қазақтың!
1-жүргізуші:
“Физика” деген табиғат
Грек сөзінен табылған
Ғылымға қажет жаңалық
Осы сөзден табылған.
Қоршаған барлық дүние
Табиғатты құрайды
Сарқылмас оның сырлары
Өзгеріп тұрар ұдайы.
2-жүргізуші:
Айға, Марс, Шолпанға
Астрономия жол ашты
Сол сапардың бәрінде
Физикамен санасты.
Пайдаланды көп ғылым,
Физиканың заңдарын
Сол заңдармен таныды,
Табиғаттың сырларын.
1-жүргізуші:
Көңілді тапқыштар, білгіштер
Бар өнерін алдына салады.
Кім білімді, көп оқыған болса егер
Бүгінгі күн жеңімпазы болады.
2-жүргізуші:
Есептен сайысады қос команда,
Алға озар ең мықтысы осы заманда.
Көпшілік өнерлерін қызықтамақ,
Сұрайық шығуларын жұрт алдында.
1-жүргізуші: енді командалар сәлемі: (танысу,эмблема, ұран, газет). Ендігі кезекте “Ертедегі өлшемі” ойыны.
Достарыңызбен бөлісу: |
