Бөлшектердің бағыты олардың зарядының таңбасына байланысты. Сол кезде газдағы бөлшектер қосымша энергияға ие болады
мұнда q – заряд;
U – кернеу;
λ – еркін жүру жолының ұзындығы.
Егерде өрістің тектестігі жеткілікті болса, онда болады да
зарядталған бөлшектердің қосымша энергиясы соқтығысқан молекулаларға беріледі.
Қалыпты жағдайда сұйық диэлектриктердің газдарға қарағанда, электр беріктігі бірнеше есе жоғарырақ кернеуге өтеді. Кірмелер болғандықтан, бұл заттардың тесіп өту теориясын қалыптастыру қиын. Сұйықтарды электрлік тесіп өту теориясы тек кірмелерден тазартылған сұйықтарға ғана байланысты.
Сол электр өрісінің кернеулігінің өте үлкен мәндерінде электродтардан электрондар ыршып (жұлынып) шығуы мүмкін және зарядталған бөлшектердің келіп соқтығуынан, газдардағы сияқты сұйықтың молекуласы ыдырайды.
Бірақ газға қарағанда сұйықтардың электрлік беріктігінің жоғарылығы электрондардың еркін жолының қысқаруымен анықталады.
Газ қосқыштары бар сұйықтарды тесіп өтуі, сұйықтың бір жерінің қатты қызумен түсіндіріледі, өйткені газдың көбіршіктері сұйыққа қарағанда, өте жеңіл ионданады да, қосымша энергия туғызады. Осы энергияның арқасында екі электродтардың арасында газ каналы пайда болады.
Сұйық диэлектриктің электрлік беріктігін азайтатын, оның құрамындағы ылғалдылығы мен температурасы осыларға қосылып электр беріктігін азайтатын және өрістің түрін өзгертетін қатты түрлі лас қоспалар, тұздар. Сұйық диэлектриктерді осы кірмелерден тазартса, электр беріктігі жоғарылайды.
Қатты диэлектрикті тесіп өтудің бірнеше түрі байқалады: электрлік, электр жылулық, электр химиялық, электр механикалық ионизациялық денелерді тесіп өту.
