Бұл тақырыпта адамзат қоғамының неден тұратынын толығырақ қарастыруға көшеміз. Сондықтан бізге мүмкіндігінше жаңа ұғымдардың мән-мазмұнын жете түсінуге және оларды есте сақтауға тура келеді. Бұл ұғымдар әлеуметтанудың бастапқы кірпіштері іспетті.
Бұл тарауда әлеуметтік-философиялық ілімдермен тығыз байланысқан, әлеуметтанудың жалпы теориялары тұрғысынан қоғам өзіндік және біртұтас әлеуметтік организм ретінде, тұтас әлеуметтік жүйе ретінде әдейі толығырақ қарастырылады.
Адамзат қоғамы ұдайы өзгеріп тұрады. Тарихтан белгілі алғаш аңшылар мен терімшілердің қоғамы пайда болды. Кейін оны құл иеленушілік, феодалдық, капиталистік қоғамдар алмастырды. Адамзат қоғамы осылайша қарапайымнан күрделіге қарай дамыды. Бір елдің шеңберінде әртүрлі кезеңде қоғамның әртүрлі типтері өмір сүрген. Бұл мәселелердің бәрі осы тараудың мазмұны мен құрылысынан көрініс туып отыр.
