Этнос әлеуметтануы аса күрделі әлеуметтік-этникалық қауымдастықтар мен ұлттық-этникалық қатынастар саласын қарастырады. Әртүрлі этникалық қауымдастықтар өмірінің барлық жақтары бір-бірімен тығыз араласып-құраласып кеткендіктен олардың арасындағы қатынастарды түсіну көбіне-көп қиыншылықтар туғызады және ондағы қарама-қайшылықтарды шешудің жолдарын анықтау қажет болады. Оларда этникалық қауымдастықтардың, немесе этностардың табиғи және әлеуметтікпсихологиялық сапалары көрінеді. Осы кұбылыстардың мәнін және оларды бейнелейтін ұғымдардың мәнін ашу, сонымен қатар ұлттық-этникалык қатынастардың және олардың дамуының тарихи тенденцияларының мазмұнын зерделеу, ұлт мәселесінің мазмұнын жәнеоны қазіргі уақытта шешудің жолдарын талдау әлеуметтану ғылымының маңызды мәселелерінің бірі.
