Ноғай Ордасының ыдырауы. ХVІ ғасырда Ноғай Ордасы ыдырай бастады. 1550 жылдардың ортасында Қазан, Астраханхандықтарының Ресейге қосылуына байланысты Ноғай Ордасы бірнеше иеліктерге бөлінеді. Оның ыдырау кезінде халқының кейбір бөліктері Кіші жүз қазақтарының құрамына қосылады.
Ал ХVІІ ғасырдың басында Жайық, Каспий маңынан Дон даласына қарай ығысқан үлкен Ноғай Ордасының халқы кіші Ноғаймен бірігеді. Алайда олар енді Қырым хандығы мен Түрік сұлтандарына тәуелді болып қалады. Ал Түркия мен Ресей арасындағы соғыстар кезінде ноғайларға қоныстарын бірнеше рет өзгертулеріне тура келеді. ХVІІ-ХVІІІ ғасырларда Орда көршілес Орыс мемлекетімен қазақ хандықтарымен сауда-экономикалық және саясии жағынан тығыс байланыста болған.
ХVІІІ ғасырдың соңында Қырым хандығы құлағаннан кейін патшалық Ресей өкіметі ноғайларды қуғынға ұшыратады. Аман қалған ноғайлар Түркия, Солтүстік Кавказ, Қазақ елі мен Башқұрт жеріне көшіп кетеді.
