Қоғамдық құрылысы. -Ноғай Ордасының негізін қалағандардың бірі, атақты, беделі зор Едіге өзін хан етіп жариялауға құқығы болмағанымен, Алтын Орданың билеушісі болды. Оның кезінде ноғайлар Алтын Ордадан бөлектенген, елеулі феодалдық иеліктердің біріне айналды. Алтын Орданы басқарған Едігенің «беклер бек» - «ұлы әмір» атағы болған. Оның билігі шексіз зор болды.
-Қоғамның жоғарғы сатысында бектер, мырзалар, сұлтандар мен байлар тұрды. Олар ауылдар мен үлестерді, ұлыстарды биледі. Қол астындағы рулар мен тайпаларды басқарып, олардың әлеуметтік-экономикалық мәселелерін шешіп отырды. Орда билігі мұрагерлік жолмен берілді.
-Ордада басқарудың ұлыстық жүйесі енгізілді. Ноғай Ордасы этникалық құрамы жағынан әр тұрлі болғандықтан, әкімшілік билік ұлыстардан тұрған. Ұлысты билеуші мырзалар өз жерінде шексіз үстемдік етті. Қарапайым халық салық төлеуге, өз қару-жарағамен жорыққа аттануға дайын тұруға міндетті болды.
