3. Жылқы мен сиыр малының сүйектерінің айырмашылығы
1-мойын омытқа (атлант): Жылқыда атлант қанатының алдыңғы және артқы тесіктері бар, алдында омыртқа арқылы тесік. Қанат жиегі дөңгеленіп келген, атлант шұңқыры терең. Ал сиырда артқы қанаттық тесік жоқ оның орнында артқы қанаттық ойыс бар. Қомақты шұңқыры таяз.
2-мойын омыртқа (эпистрофей): Жылқыда тісше өсіндінің жоғарғы беті жалпақ, омыртқа қыры жақсы жетілген, артқы бағытта екіге тармақталған. Сиырда тісше өсінді іші қуыс жартылай цилиндр тәріздес, омыртқа қыры жұқа әрі ұзынша, тармақталған, артқы жиегі көтеріңкі.
Кеуде омыртқа: Жылқыда кеуде омыртқалар саны 17-19. Жоталық өсінділердің шеті жуан, бір біріне тиіп тұрады, артқы жиектері доғал. Сиырда кеуде омыртқалар саны 13(10-14). Артқы жиектері қырлы келген, жалпақ. Жоталық өсінділері артқа қарай жантайған.
Жауырын: Жылқыда жауырын қыры бірте – бірте жауырын мойнына ауысады. Орта тұсында қыр төмпегі орналасқан. Сиырда жауырын қыры бадырайып шығып тұрған бұрыш тәрізденіп бітеді (акромион).
Достарыңызбен бөлісу: |
