59.Басқарудың автоматтандырылған жүйелерін техникалық жобалау Автоматтандырылған жобалау жүйесі (АЖЖ) – жобалау функцияларын орындайтын ақпараттық технологияны іске асыратын автоматтандырылған жүйе. Персоналдан және автоматтандырудың техникалық, бағдарламалық және басқа құралдарынан тұратын жобалау үрдісін автоматтандыруға қажет ұйымдастырушы-техникалық жүйе болып саналады.
Автоматтандырылған жобалау жүйесіне (орыс тілінде САПР - система автоматизированного проектирования) түрлі түсініктер беріледі. Мысалы:
«САПР – система автоматизации проектных работ», яғни «жобалау жұмыстарының автоматтандыру жүйесі» деген түсінік дұрыстау, бірақ сирек қолданылады;
«САПР – система автоматического проектирования», яғни «автоматты жобалау жүйесі». Бұл түсінік дұрыс емес, себебі «автоматты» түсінігі жүйенің адамның қатысуынсыз жеке жұмысын көздейді, ал автоматтандырылған жобалау жүйесінің функцияларының бір бөлігін адам орындайды, қалған жеке операциялар мен процедуралар автоматты түрде атқарылады. Сондықтан «автоматты» сөзімен салыстырғанда «автоматтандырылған» түсінігі жобалау үрдісінде адамның қатынасы бар екендігін білдіреді.
«САПР – программное средство для автоматизации проектирования», яғни «жобалауды автоматтандырудың бағдарламалық құралы» деген түсінік толық мазмұндама бермейді. Себебі жобалау іс-шараларын тек қана қолданбалы бағдарламалық қамтамасыз ету көмегімен атқару мүмкін емес. Сондықтан әдебиет көздерінде және мемлекеттік стандарттарда «автоматтандырылған жобалау жүйесіне» кең ауқымды түсінік беріледі.
60.Басқарудың автоматтандырылған жүйелерін технологиялық жобалау Технологиялық жобалау оңтайлы технологиялық шешімдерді әзірлеуге және құрылыс процестерін, жұмыстарды, ғимаратты немесе құрылысты тұтастай салуды жүзеге асыру үшін қажетті ұйымдастырушылық шарттарды анықтауға арналған. Жұмыстардың өндірісін жобалаудың мақсаты – объектіні талап етілетін мерзімде, тиісті сапада және жұмыс құнын төмендету арқылы салуға мүмкіндік беретін технологияны таңдау және оларды жүзеге асыруды ұйымдастыру. Қолданыстағы стандарттарға сәйкес, кез келген құрылымның құрылысы құрылысты ұйымдастырудың бұрын әзірленген және бекітілген жобалары және жұмыстарды өндіру жобасы бойынша жүзеге асырылуы мүмкін. Технологиялық жоба объектінің құрылысы кезінде әзірленген жобалық құжаттаманың бөлігі болып табылады. Процестерді технологиялық жобалауды жүзеге асыру жобаны құрудың барлық кезеңдерінде қарастырылуы керек: техникалық-экономикалық негіздеме (жоба кезеңі), жұмыс құжаттамасы, жұмыстың орындалуы.
