133. Қазақстандағы тілдер дамуының проблемалары мен болашағы. Мемлекет басшысы Қасым-Жомарт Тоқаев та Қазақстан халқына арналған жолдауында «Қазақ тілінің мемлекеттік тіл ретіндегі рөлі күшейіп, ұлтаралық қатынас тіліне айналатын кезең келеді деп есептеймін. Бірақ мұндай дәрежеге жету үшін бәріміз даңғаза жасамай, жұмыла жұмыс жүргізуіміз керек» деп, қазақ тілін дамытуға қатысты өз ойымен бөліскен болатын. Осындай сенім сөз бен мақсатқа негізделген ойдың аясында өз ойымды негіздесем. Қазақстандағы тілдер дамуының проблемаларына тоқталар болсақ,ең басты орында тұратын мәселе-таза тілде сөйлеу,яғни қазақ тілінде толықтай өз ойын толық жеткізу мәселесі. Келесі кезекте тұратын ахуалды мәселе-латын қарпіне өту. Бұл тұста халықтың ой пікірлері аясында түрлі пікірлер қалыптасты,дегенмен де жаһандану дәуірінде бұл еліміз үшін тиімді болар еді.
Келесі проблеманың бірі-қоғамдық қатынас және контент барысындағы тілдік рөл. Интернет желісінде жаңалық жариялау,балабақшадағы бала тәрбиесі сынды жұмыстардың жүргізілу барысында қазақ тілін негізге алу да басты мәселе. Қазақ тілін сәнге айналдыру,музыка мен киноиндустрия саласында тиімді қолдану сынды шаралар жүргізу-мәселені шешуге тиімді болар еді.
Жоғарыда айтылып өткен мәселелердің барлығы да тілді дамыту барысындағы басты проблемалар. Олар адамдар арасындағы мәселе болғандықтан,оны шешу де тікелей халыққа қатысты заңдылықю Сондықтан да,тілдік дамудың болашағы жастар мен елдің қолында. Қазақ тілінің болашағы бар деп ойлаймын,себебі,осы бағытта жүріп жатқан шараларға дамушы жас ұрпақ толық қатысуда. Оған қоса қазақша контент пен қазақ тілін сәнге айналдыру жұмыстары дамып келе жатыр. Әлемге тілді дәріптеу қарқынды дамуда.
