Сынап Hq – күшті улы әсері бар, адам ағзасында жиналатын у. Қоршаған орта арқылы адам ағзасына түскен сынап көбінесе қанда, бауырда, бүйрекпен бас миында жинақталады. Сынап қосылыстарымен жіті улану кезінде ауызда металл дәмі байқалады, сілекей ағуы, қызыл иектің ауырсынуы, тістің, іш ауруы, асқазанның құрамында қаны бар сұйық бөлінділер бөлінеді. Бүйректің одан әрі зақымдану салдарынан несеп бөлінуі толық тоқтатылады, ағзада зиянды заттар жиналады, өте ауыр жағдайдан кейін 5-6 күн ішінде, ал кейде одан да бұрын өлімге әкеп соқтырады. Адам ағзасынан сынаптың бөлінуі түрлі жолдармен жүзеге асырылады, бірақ өте баяу: асқазан ішек жолы арқылы (18-20%), бүйрек (40%), сілекей бөліну арқылы (20-25%) және т.б. Сонымен сынап бізге қалай түседі? Әр түрлі жолдармен. Су қоймаларына лақтырылатын сынап қосылыстары балықта жиналатын қасиетке ие, әдетте, оның жасы және мөлшеріне пропорционалды болады. Әсіресе, жыртқыш балықтарда сынап құрамы көп болады. Аспаздық жылулық өңдеу барысында сынап балықтарда тек 20% ғана төмендейді. Кейде сынаптың көзі болып астық өнімдері, сынап қосылыстарымен өңделген препараттар (гранозан, меркуран және басқа да) болып табылады.
