Бұлардың перитецийлері ұлпаға немесе стромаға батып орна- ласып, сыртқа тек мойны шығып тұрады. Жеміс дене тығыз, қоңыр түсті. Қалта қабатында парафиздер жоқ. Саңырауқұлақтың қалталы кезеңі өсімдік қалдықтарында пайда болады. Вегетация кезеңінде конидиялар бірнеше ұрпақ түзіп, өсімдіктердің зиянды ауруларын қоздырады.
Valsa туысына жататын саңырауқұлақтар (конидиялы кезеңінде Cytospora туысы) сүйекті жемістілердің жəне басқа ағаштардың ци- тоспороз ауруын қоздырады.
Glomerella туысына жататын түрлер өсімдіктердің антракноз ауруын қоздырады.
Gnomonia туысының түрлері грек жаңғағының жапырағы мен өркендерінің антракнозын, емен жапырағы мен жаңғағының ан- тракнозын, қоңырлануы мен қурауын туғызады.
