Келесі тапсырмаларды ойланып көріңдер:
1. Макроэкономиканың микроэкономикадан айырмашылығы сонда, ол оқытады (яғни төмендегі мәселелердің қайсысын микроэкономика, қайсысын макроэкономика оқытатындығын бөліп көрсет):
Экономиканың қысқа мерзімді тербелістерін.
Салалық нарықтардағы тепе- теңдік теориясын.
Экономиканың дамуының ұзақ мерзімді тенденцияларын.
Жалпы экономикалық тепе- теңдік мәселесін.
Қысқа және ұзақ мерзімдердегі экономикалық агенттердің іс- әрекетін.
Мемлекеттік бюджет тапшылығын қаржыландыру мәселесін.
Валюталық бағам мәселесін.
Тұтынушы іс-әрекетін.
Ақша теориясын.
Өндіруші іс-әрекетін.
Мемлекеттік қарыз теориясын.
Инвестиция теориясын.
Жұмыссыздық теориясын.
2. Төмендегі шығындар мен табыстардың қай түрі осы елдің ЖҰӨ-нің құрамына енеді және енбейді?
Өзіне саябақ салған құрылысшының жұмысының құны.
Бағалы қағаздарды сатудан тапқан делдалдың табысы.
Өз пәтерін жалға бергеннен алған жалгерлік төлемақы.
Үй иесі әйелдің жұмысының қнарықтық құны.
Жеке фирмалардың облигациялары бойынша пайыздар.
Жаңа цех құрылысына кеткен фирманың шығындары.
Мемлекеттік қызметкердің жалақысы.
Мемлекеттік облигациялар бойынша пайыздар.
Жер бөлігін сатып алуға кеткен фирманың шығындары.
Өз үйін сырлаған бояушының жұмысы.
Фирма қорының көбеюі.
Есірткі бизнесі иелерінің табысы.
Сақтандыру полисін сатып алу.
Акцияларын сатудан алған үй шаруашылығының табысы.
Полиция зейнеткерінің зейнет ақысы.
Көңіл көтерудің құны.
Ескі үлкен үйді сатып алу.
Жеке детективтің табысы.
Үй қызметшісінің еңбек ақысы.
Ескірген құрал-жабдықты айырбастау үшін жаңасын сатып алуға кеткен фирманың шығындары.
Мемлекеттік емханада істейтін дәрігердің жалақысы.
Жеке коллекционердің Леонардо да Винчидің картинасын сатып алуы.
Мемлекеттің қорғаныс шығындары.
Үй иелерінің жаңа үйден пәтер сатып алу шығындары.
Адамның өз автокөлігін сатудан алған табысы.
Мемлекеттік жұмыспен қамту бюросының жұмысшыға төлеген еңбек ақысы.
Студенттің үйінен алатын ай сайынғы ақшалай аударымы.
КЕЙС 1
Төмендегі жағдайлар 2009 жылы Қазақстан Республикасында орын алды:
Гүлзипа әжей мемлекеттен 14000 теңге көлемінде зейнетақы алды;
«Рауан» баспасы 1000 дана кітап шығарып 2000 теңгеден сатты. Кітапты шығаруда отандық қағаз бен материалдар қолданылды;
Айжан 1 млн.теңгеге «КазМунайГаз» компаниясының 100 акциясын сатып алды. Ол компания 2009жылдың 1-ші кварталында әр акцияға дивиденд ретінде өткен жылға 1000 теңге көлемінде ақша төледі;
Мектеп мұғалімі Күләш (облыстық бюджеттен) 18000теңге көлемінде жалақы алды:
Сәкен мерекелік столға ауылшаруашылық кооперативі өндірген 1кг 150теңге тұратын 5кг құлпынай алды;
«Гарант» фирмасы маусым айында жаңа шетелдік компьютерді 3млн теңгеге сатып алды. Осы компьютерді пайдалана отырып, фирма жыл аяғына дейін бағдарламалық өнім шығарып, оны сатып 8 млн. теңге алды. Ал, желтоқсан айында компьютерді 2 млн.теңгеге сатып жіберді;
Талқылауға арналған сұрақтар:
2009ж. ЖІӨ-ді есептегенде осы жағдайлардың әрқайсысының үлесі қандай болды?
ЖІӨ-ді есептеудің түрлері қандай және оларды түсіндіріңдер?
Достарыңызбен бөлісу: |