Гипотезаны құру барысында мына жайттарды ескеру қажет.
- Логикалық түрде сенімді болуы. (Жұмыссыз жүрген ересектерді елімізге қажетті мамандықтар бойынша қайта дайындықтан өткізсек, оларға жұмыс орындары табылып, жұмыссыздық саны азаятыны логикалық тұрғыдан түсінікті).
- Сенімді ақпараттардың болуы. (Жұмыссыздық саны арнайы сенімді статистикалық дереккөздерінен алынып, оны дәлелдейтін ақпарат көздерінің сенімді болуына толық көз жеткізу).
- Тексерілетіндей болуы. (Жұмыссыз ересектерге арналған арнайы курстар ашылғанға дейінгі жұмыссыздық саны курстары ашылып, олардың білім алғаннан кейінгі жұмыссыздық саны қайта есептелуі тиіс, яғни курстар ашылғаннан кейін жұмыссыздық саны азаяды ма?).
Кейбір ғылыми еңбектерде гипотеза нөлдік болжам мен ғылыми болжам негізінде құрылады. Нөлдік гипотеза - осы кезеңге дейін қалыптасқан тұжырым немесе қандай да бір жайттардың өзара байланысы бар деген болжам. Ал, зерттеушінің жұмыссыздық санын азайтуы үшін тексеруге бағытталған болжам, «Балама гипотеза» деп аталады және ол - зерттелетін (ғылыми) гипотеза. Гипотезаны статистикалық талдау ғылыми немесе нөлдік гипотизаны шығаруға негізделеді.
Гипотезаны құру үдерісін қарапайым мысалмен былай сипатталады.
Зерттеу сұрағы: Темекі тарту ерлер мен әйелдерге қалай әсер етеді?
