Құрылғыларды сипаттау үшін қолданылатын белгілер. Құрылғыларды сипаттау үшін, атап айтқанда, келесі белгілер қолданылады:
- құрылымдық (конструктивтік) элементтің (элементтердің) болуы;
- элементтер арасындағы байланыстың болуы;
- элементтердің өзара орналасуы;
- элемент (элементтер) немесе жалпы құрылғының орындалу формасы, атап айтқанда геометриялық пішін;
- элементтер арасындағы байланысты орындау формасы;
- элементтің (элементтердің) параметрлері мен басқа да сипаттамалары және олардың өзара байланысы;
- элемент (элементтер) немесе тұтастай құрылғы жасалған материал;
- элемент қызметін орындайтын орта.
Микроорганизмдер штаммдарын, өсімдіктер немесе жануарлар жасушаларының линияларын, микроорганизмдер консорциумдарын, жасушаларды сипаттау үшін қолданылатын белгілер. Микроорганизмдердің штамдарын сипаттау үшін, атап айтқанда, келесі белгілер қолданылады:
- штаммның жалпы және түрлік атауы (латын тілінде);
- шығу тегі (шығу көзі, малдың тегі);
гено - және хемотаксономиялық сипаттамалары;
морфологиялық, физиологиялық (оның ішінде культуралық) сипаттамалары;
- биотехнологиялық сипаттамасы (өсіру шарттары);
- штамм шығаратын пайдалы заттың атауы мен қасиеттері;
- белсенділік (өнімділік) деңгейі;
- вируленттілік, антигендік құрылым, серологиялық қасиеттері (Медициналық және ветеринариялық мақсаттағы микроорганизмдер штаммдары үшін);
- будандастыру принципі (гибридті микроорганизмдер штаммдары үшін).
Өсімдіктер немесе жануарлар жасушаларының линияларын сипаттау үшін, атап айтқанда, келесі белгілер қосымша қолданылады: - өту саны;
. кариологиялық сипаттамасы;
өсу (кинетикалық) сипаттамалары;
