Сызбалардың қысқаша сипаттамасы. Сипаттаманың бұл бөлімінде олардың әрқайсысында не бейнеленгені туралы қысқаша түсіндірмелері бар пішіндердің (фигуралардың) тізімі берілген. Егер өнертабыстың мәнін түсіндіретін өзге графикалық материалдар ұсынылса, олар сондай-ақ тізбеде көрсетіледі және олардың мазмұнына қысқаша түсіндірме келтіріледі.
Өнертабысты жүзеге асыру. Бұл бөлімде өтінім беруші көрсеткен мақсатты іске асырумен өнертабыстың, егер бар болса, мысалдарды келтіру жолымен және сызбаларға немесе өзге де графикалық материалдарға сілтемелермен қалай жүзеге асырылуы мүмкін екендігі көрсетіледі.
Мәніжалпы ұғыммен көрсетілген, атап айтқанда функционалдық жалпылау деңгейінде ұсынылған белгіні пайдалана отырып сипатталатын өнертабыс үшін осындай белгіні іске асыруға арналған құрал немесе оны алу әдістері сипатталады не осындай құралдың немесе оны алу әдістерінің хабардар болуы көрсетіледі.
