Бірінші қадам- модульдің кіріктірілген мақсатын анықтау.
Екінші қадам- сабақтың типіне қарай оқу элементтерін бөлу.
Үшінші қадам- әрбір оқу элементтерінің мақсатын анықтау.
Төртінші қадам- әрбір оқу элементтерінің мазмұнын анықтау.
Бесінші қадам- оқушыларға берілген кеңестер мен нұсқауларды анықтау.
Оқу модельдерін құру тапсырмаларға, мұғалім мен оқушы әрекеттеріне қойылатын талаптар жүйесіне бағынышты.
Тапсырмалар пәнішілік және пәнаралық байланыстың үздіксіздігін қамтамасыз етеді. Олар мазмұны мен танымдық деңгейі сараланған: проблемалы, проблеманы қою және оны шешуге бағыттайтын; білімді игеру тетігін көрсететін және қайталау материалын қосатын (кесте құастыру, салыстырмалы сипаттама беру) болуы керек және ол модуль мақсатымен кіріктіріледі. Оқушының іс-әрекеті оның жақын даму аймағында өтеді де, баланың өзін-өзі басқаруына бағыттайды, қарым-қатынас дағдысын қалыптастырады, уақытты тиімді пайдалануға мүмкіндік береді, әрбір сағатта оқушының рефлексивті қабілетін жүзеге асырады.
Мұғалімнің іс-әрекеті түбегейлі өзгереді. Оның негізгі мақсаты модульдік бағдарламаны, модульдерді құру. Сабақта ол ұйымдастырады, кеңес береді, бақылайды, модульдік оқытудың мүмкіндіктерін пайдалана отырып, оқытуды рефлексивті басқарады.
Достарыңызбен бөлісу: |
