Керімағаш шипажайы – Іле өзенінің аңғарында, Жаркент қаласынан 40 шақырым жерде, 1990 жылы ақпан айының 25 жұлдызында ашылған шипажай. Мұнда қан айналу жүйесі, тыныс алу органдары, ас қорыту жүйесі, қозғалыс-қимыл мүшелері, тері, урологиялық,тіс ауруларын, ауыр металлмен уланған адамдарды емдейді. Ем ретінде сілтілігі аз, сульфат-хлоридті, натрий-кремнийлі, құрамы фторға өте бай гипертермальды суы пайдаланылады. Мұндай құрамы минералды суларға бай шипажай тек қана Жаркенттен басқа, әлемдегі мемлекеттердің ішіндегі Болгария Республикасында ғана бар. Демалушыларға минералды суы бар ванна, физиотерапиялық ем, ішек шаю, массаж, т.б. қызмет көрсетіледі.
Достарыңызбен бөлісу: |
