Өлексе өте арық болады. Қарта мен тоқ ішектің ішкі қабығы суланып немесе қанға толып тұрады. Көптеген жарлар байқалады, ішінен жүздеген – мыңдаған нематодалар табылады. Кілегей қабында қанталау ошақтары көрінеді.
Деляфондиоз. Ішектің сірі мен кілегей қабықтары, шажырқай қаптаған қанталау ошақтарынан қызарып тұрады. Қабынған аортадан, шажырқайдан іріңдер, өсінді қалташалар байқалады. Олардың ішінен балаң құрттармен және тромбоциттерден құрылған тромбтар көрінеді. Кейде аортаның, артериялардың үзілгенін, ішкі мүшелерге қан құйылғанын байқауға болады.
